TIMIT AH RALHRANG AN ZIA CHUAK, KHUAL TLAWN LO AH A TTHA

SAC Ralhrang nih Timit le Pialva ah Inn an Bauh, Facang le Sattil an Fir.Nihin zinglei ah SAC ralhrang pawl nih Timit le Pialva ah a ummi inn pawl an bauh hna i ar le facang tibantuk an fir hna. Innchung ah a ummi facang an khanghpiakmi hna a um pin ah motorcycle pawl zong Timit tiva chung ah SAC ralhrang nih an hlonhpiak hna.Thantlang le Hakha karlak SAC ralhrang pawl an um caah khualtlawn len lo ah a ttha. Credit:The Chin Journal

Thawngpang dang:Tangka kongah ralhrang kawlralkap pawl an lungrethei cang. Hi konghe pehtlaiin General Soe Win nih a chimmi cu ramchung ah Tax le adang in tangka hmuhnak a tlawm chin lengmang cang. Cucaah Minister telh in tangka hman ning ralrin ahau cang tiah a chim. Atu ahcun Covid in a zawmi hna zohkhanh cuahmah an si i,hi lio caan ah ramchung tangka lut attum chin lengmang ve.

Mah hnu thlaruk le bang ahcun a ttum chin lengmang khomi asi. Atu dirhmun ahcun covid zohkhanhnak ah hin ralring taktak in hman a hau cang tiah a peh chap. Budget timhtuah hi thlaruk chung a si i, thatein thenphawt ning zong thiam a hau i, Military Council hna nih rianttuannak phun nga le an timhmi pakua he i milh in tuan dingmi le mipi caah minthatnak an ngeih khawhnak dingah hman abiapi tiah a chim.

Hi konghe pehtlaiin Military, Pyitaungsu Ministry hna an i ruahchanning cun thil serchuahnak in todelh caa le covid i khamnak siseh i zohkhanhnak caah siseh ram caah thanchonak le cun tangka cawi le bawmhchanhnak tibantuk asi tiah theih a si. Nai meeting an tuah hi a ralai mi 2022 March thla tiang tangka hmanning cang zohfelnak an tuah. Asinain ralkap caah an chiahmi tucu mipi theih ah an langhter lo.