THINPHANG NGAI SI, RALHRANG AN TAMTUK, CDF UMNAK AN KAWL CUAHMAH

Chinram kulh Matupi khua tthenkhat lungrethei in ralhrang kawlralkap hna nih an tuah cang hna. Matupi peng khua tthenkhat le hmun dangdang ah ralhrang kawlralkap hna nih umhmun an khuar ruangah khua caah siseh mipi caah a him ti lo tiah khuachung mi pakhat sin in theih a si. Tulio ah Matupi dirhmun cu a harsa hringhran ko.

Khua tthenkhat ah ralhrang kawlralkap hna cu um hmun an khuar ruangah khuami hna cu facang cawknak lam zongah harsatnak a um cang tiah khuami nih a chim chih. Kan hnu lei deuh ah ralhrang kawlralkap hna nih CDF Matupi pakhat an tlaih hnu ah ralhrang kawlralkap hna cu khuachung ah biatak tein cawlcanghnak an tuah i, a mikip an check hna. Hi konghe pehtlaiin Ralkap lei hi an tamtuk paletwa lam meng 9 a hlatnak lei ah an kal i, CDF umnak pawl an kawl tiah an chim.

Matupi faces rice shortage due to ban by the army | Burma News International

Thawngpang dang: Yangon Hmawbi lectric zung pawngah bomb a puak. Bomb a puahnak ruangah hngakchia pakhat a kut aa tan. Tuzing suimilam pakua le minute 45 ah bomb a puah hi a si. Hi bomb puahnak ruangah hngakchia pakhat a kut aa tan tiah thawngtheih a si. Lectric zung pawngah bomb hi a puak i, bomb puahnak ruangah hngakchia a kut aa tanmi hi hmawchar asi tiah an chim.

Bomb a puah nak hmun ah ralhrang kawlralkap hna cu a tu hi an phan dih cang tiah khuami pakhat nih a chim. Ralhrang kawlralkap hna nih lam zong an phih dih i, dottletnak an tuah cuahmah lio asi. Hi bomb puahnak ruangah midang hliam a tuarmi le a nunnak a liammi fiang tein theih a si rih lo.

Be the first to comment

Leave a Reply

Your email address will not be published.


*