THAWNGPANG FIANG: FALAM SIANGINN 2 BOMB PUAHNAK KONG

Falam khuapi ah sianginn pahnih ah bomb a puak. Bomb a puahnak sianginn hi Matubul le Cinmual sang ah a ummi an si. Cinmual sang Ahthahkah hnih sianginn cu tuzing May 26 suimilam pahnih hrawngah bomb a puak. Cun Matubuk ahmahkah 5 sianginn zong suimilam pathum hrawngah bomb a puak tthan. Hi bomb pahnih puahnak ah sianginn hi a pahnih in a rawk taktak.

No description available.

Matubuk sang Ahmahkah 5 sianginn bomb apuak mi ruangah sianginn a rawk ngai i, ca cawnnak zong attha ti lo. Cun Cinmual sang i, ahtthakah 2 sianginn zong bomb puak nih a hrawh ngai i, ca cawnnak a hrawh rih. Tuzing sianginn pahnih bomb puahnak ruangah a nunnak aliammi le hliamhma a tuarmi an um lo tiah theih asi. Ralhrang kawlralkap hna nih May 24 ah sianginn kai dingin min pek caan an on.

No description available.

Chin ramkulh chung myone pakua chungah myone pasarih ah sianginn kai dingin min a pemi an um. Cu chungah Falam khuapi hi sianginn kai dingin min a pe tambik an si. May ni 25 ah min a pemi tucu theih an si rih lo. May ni 244 ah Chinram kulh chung, myone tthenkhat ah sianginn kai dingin min a pemi an langhtermi ah Falam 24, Tonzang ah 205, Tedim 198, Hakha 28 hna an si.

No description available.

Relchih:Aung San Suu Kyi nih a dirpi lomi cu mah hna hi an si. National Unity Government (NUG), Committee Reporesenting Pyidaungsuh Hlutdaw (CRPH), People Defense Force (PDF), CDM, Kawlralkap adohmi, mah hna hi Suu Kyi nih pakhat te hmanh a dirpi hna lo ti khawh asi. Aruang cu court i ai langh lio ah a sihni minung panga hna he suimilam cheu tonnak an ngei i, cu ahcun a cunglei langhtermi kong hi kaa khat te hmanh a chimmi a um lo.

Aung San Suu Kyi nih a dirpi mi cu NLD Party lawng a si. Mipi an um chung cu NLD aum peng lai ati diam, hi bia a chimmi sullam cu Party kong chimnak caan asi lo, lungrual tein kawlralkap kan doh tti hna lai timi rian ttuannak vialte hrawh a timh nak asi i, NUG cozah thar nih phung an sermi zong a theih dih. Federal Democracy, tlangcung mi nih kan duhmi zong a dirpinak kong a chim lo.

NLD chungtel pawl nan i lawm sual lai, NLD party hi ralhrang kawlralkap nih an tuk asi ahcun nan zam colh lai. NUG ah hin party 60 hrawng a ummi kan si i, NLD lehbang cu Majority an si deuh hna, NUG ah kan lung aa rualtuk nain Arm kan ngei ttha rih lo, ralkap nih hriamnam ttha an hman i, kan tei hna lo lio ah NLD party thangthat nak a vun i timh hi, NLD party lawngin vun kal tuah sehlaw, ralkap kut tthiamthiam ah luh a si ko lai.

Cucaah Kawl pitar Comunalism thilti hi sir lei ah kan hnawl ngam i, kawlralkap doh dingah kan tanrualnak cozah thar kan dirhthar NUG le PDF, CDM hmangin hmailei panh hna usih. Rul pitar hi zoh lengmang ahau lo, na duhmi theifiang cang, theihfiannak nih cun raltthatnak aa kan pek. NLD Party chungtel pawl kha ralkap nan doh ngam ve lai maw? Nan pi nu nih cun an dirpi ttung hna lo i, kei le ka chungkhar nih cun Rul pitar nih kan support lo hmanh seh, ralkap kan doh ko hna lai. Federal Democracy a chuah hlan cu i din kho kan si lo. Credit: Fanai Kawl Lian Hnun

Be the first to comment

Leave a Reply

Your email address will not be published.


*