THAWNGPANG CHIA TUK A CHUAK TTHAN, NAU PAU LIO ZONG AN I TEL

Ma Oo Pin Ah Nau Pawilio Nu Telh In Rohingya 54 Le Tilawng Lei Rianṭuantu 4 Tlaih An Tong. Ayeyarwaddy ramṭhen, MaOoPin peng Aukhtung(အောက်ထုံး) khua pawng tiva ah October 22 zinglei ah Rohingya 54 tlaih an tong tiah tualchung mi nih an chim tiah theih a si.

Rohingya a phirtu tilawng cu SAC ralkap nih kham in checkhlatnak an tuah hna hnu ah an tlaih hna hi a si tiah theih a si.Tlaihkhih a tongmi hna hi Rohingya pa 37, nau pawilio telhin nu 13 le ngakchia 4 an si. Cun tilawng khaltu le rianṭuantu 4 tiin an dihlak minung 58 tlaih an tong. Tlaih a tongmi Rohingya hna cu MaOoPin peng Shwetaunghmaw(ရွှေတောင်မှော်) palik sakhan ah hren in checkhlatnak an tuah hna tiah theih a si. Credit: The Chin Post.

Thawngpang dang relchap. A poituk e, Nizan ah ngaihchiatnak thawngpang theih a si. Kanmah Thantlang peng a simi Dawn khua ah ngaihchiatnak thawngtheih a si. Nizan october ni 22 ah Thantlang peng Dawn khua ah khuami pakhat cu ram a riahnak ah meithal in amah le a mah ai kap sual tiah theih a si. Hi konghe pehtlai in a tanglei bantuk in thawng kan theihning cu a si.

October Ni 22 ah khan Thantlang peng Dawn khua mi Pu Mang Pum fapa Pu Lal Hnim cu tiva ah ngafuan riah in an kal i, cu an kalnak ah ram vaih ah aa thawh i, vanchiat ah a mah le a mah meithal in ai kap sual tiah theih a si. Ram a vaihnak in buk a lawi lo tikah a hawi le hna nih an va kawl i, a tubantuk in a ruak in an va hmuh si.Tutan ah a nunnak a liammi hi chungkhar ah fapa hniang bik a si i, nupi ngei in fa pahnih zong a ngei cang mi a si. Atubantuk in ruah lopi in a nunnak a vun liam tikah khuami siseh chungkhar cingla rualchan vialte kan ngaih a chia hringhran ko. Taantak mi chungkhar vialte caah a tuarzia le  a in zia an thiam khawh nak hnga thlacamnak in bawmcio hna usih.

Be the first to comment

Leave a Reply

Your email address will not be published.


*