THAWNGFIANG:PU JOSHUA AN THAH LIO MIT HMUTU NIH A CHIM MI

Pu Joshua thihnak kongah fiangtein an langhter mi a si. August ni 12 ah ralhrang kawlralkap hna nih atukbuhrum ah an kahthah mi Pu Joshua hi fa pathum a ngeimi a si. Ralhrang kawlralkap hna nih an tlaih hnu ah an kahthahmi asi. Hi konghe pehtlaiin khuami pakhat nih a chimmi cu Pu Joshua le a nupi cu an i sik or an buai ruangah Pu Joshua cu zu din ah Chawngkhua panh in a kal.

PDF lei commando angki an i hruk tawn ruangah ralhrang kawlralkap hna nih PDF lei ah an ruah i, an va kal hnawh i, an va tlaih. Culio cu khuachung minung pakhat nih a hmuh dih hna. Achimmi cu ralhrang kawlralkap nih Pu Joshua cu hri in tem an timh i, acawlcangh i an buaipah ngai. Asinain voikhat an suk i, kahthah dingin nawlpeknak an hal lio ah minung pakhat nih a hnu lei in a kah.

No description available.

Atuk bukhur in a kah i, akaa in meithal kuan a chuak, Cun a kut zong a khen rih. Pu Joshua hi fa pathum angeimi a si i, a fa hniang cem hi thlathum te lawng a si rih tiah an chim. Zan muih tiang i kahnak a chuah ruangah a ruak hi a thaizing lawngah lak khawh asi. Zingka suimilam pahra hrawngah a ruak hi khuachung mi le upa hna nih an vui.

No description available.

Pu Joshua an kahthah nak hmun hi Chawngkhua lonh deuh, Kalay le Gangaw lampi i Pamuanchawng lei deuh te ah a si tiah a chim. Hi ni thilcang ralhrang kawlralkap le Kalay PDF i kahnak ah Kalay PDF lei in minung pakhat hliam a tuar i, ralhrang kawlrlakap lei in minung pathum an nunnak aliam tiah thanhnak an rak tuah. TTP

Be the first to comment

Leave a Reply

Your email address will not be published.


*