THANTLANG SIIKHAN NA PANH I, HARSATUK LE CHAWVA IN BAWMHCHANH NA UM AHCUN

Tulio Kan ram dirhmun cu, si a vang, Kan lau, thinphang dailo in nunnak khua Kan sa. Chungkhar tlinglo Kan tam. Nu hmei, Pa hmei le ngaktah Kan tamchin. Bochan mi minung tampi nih hi vawlei nunnak in an Kan liamtak. Kan Sianghna lo, Kan uituk hna, tantak mi Chungkhar Kan thinlung dihlak in Kan in tuarpi hna.Tubantuk harnak le thinphang thlalau in nunnak khua Kan sak lio ah Thantlang Healthcare Charity nih Kan sikhawh tawk in Mizaw Chaw le va in bawmhchannak Kan ngei kho peng.

May be an image of 2 people and people standing

Tulio cu Thantlang Sizung zong khar rih a si. Cucaah damlo ruangah Thantlang Siikhan na panh i harsatuk le Chaw le va in bawmhchanh hau in na um sual ah cun kan sikhawh tawk bawmchan ding in nan pawngte ah Kan um zungzal. Note. Oxygen cu Kan in tawlrel piak kho rih hna lo. Pehtleihnak Ph-09887283349. Credit: Thantlang Health Care Charity.

May be an image of 1 person

Thawngpang dang:Hakha COVID-19 Response Committee nih Nihin in Rian a Thawk Cang. Hakha khuachung biaknak lei hruaitu hna le mipi i bawm in sermi Hakha Peng COVID-19 Response Committee nih nihin August 2 thawk in rianttuan hram a thawk cang, tiah thawng kan theih. Rianttuannak Center cu HBA tual ah a ummi Women Development Center ah on a si.

Hi rian ah volunteer in aa pumpemi sibawite, sayamate le Khrihfabu kip in a bawmtu ca ah HCMF nih ttuanvo a lak lai i herh dangdang tampi a um rihmi cu Khrihfa bu, organization le pumpak in ramchung le ramleng nan ti khawh tawk i tel cio ding in kan in sawm hna,” tiah Hakha Peng COVID-19 Response Committee Secretary Rev. Van Tiam nih theihternak le forhfialnak a tuah.

July thlathih lei ah COVID-19 volunteer mino pawl cawnpaiknak an tuah hnu ah nihin ah Center an on i, rianttuan hram an thawk hi a si. Hakha ah COVID-19 volunteer ttuan ding in a pum aa pemi hna lak ah sii lei fimthiamnak a cawng liomi siangngakchia 17 zong an i tel i, an zapi ah mino 100 leng an si, tiah Hakha Township Public Healthcare (HTPH) nih thawngpang a rak chuah.

Be the first to comment

Leave a Reply

Your email address will not be published.


*