THANTLANG FACANG PHOR MOTOR VIALTE HAKHA RALKAP NIH AN HREN DIH

Thantlang Facang Phor Motor 10 Hrawng Hakha ah SAC nih an Hren Hna. Mandalay le Kalay lei in Thantlang ah a lan dingmi motor pawl Hakha SAC nih Thantlang ah lan kho loin an hren hna, tiah thawng kan theih. Motor a hrenmi hna hi pakua pahrapi an si. Mandalay lei in a rami motor 2 le Kalay lei in a rak kaimi pawl an si hna. Acheu cu ni 5,6 an hren cangmi hna an um i, acheu hi ni 10 hrawng an hrenmi hna zong an um,” tiah Thantlang upa pakhat nih The Chin Journal a chim.

Hakha SAC nih an hrenmi Thantlang lei motor pawl hi facang le eidin dangdang a phormi an si hna. Facang a phormi le eidin dangdang (စားကုန်) pawl a phormi an si hna. Datsi cu tlaih lengmang a si caah an phor ti lo,” tiah a cunglei upa nih a chim chap.Thantlang ah facang le a dangdang thilri phorh ding in penguk nawl onhnak hal a si bang in Hakha i SAC ralbawi (ဒုတိုင်းမှုး) zong phone in an chawnh ko nain nihin tiang lanhter loin an hreh rih hna.

Nihin kha Thantlang lei ah nan lan kho cang an ti hna. Asinain, Khuathar Gate an phak ah kir dih tthan u an ti hna,” tiah a chim chap. Thantlang ah motor a luh lonak ni 15 hrawng a si cang. Thantlang hrimhrim ah SAC nih motor luhter lo an duh ruang ah a si kho tiah an ruahdamh.Asinain, Hakha i an hrenmi motor pawl hi atu zaanlei zong ah an thlah khawh men hna, tiah a cunglei upa nih a langhter. The Chin Journal

Cabiadang.Ralhrang lutlai Min Aung Hlaing nih a saduhthah a chim cang. Min Aung Hlaing nih a nau le sin ah a chimmi cu Naypyidaw ah Electric Bus kan tuah lai i, vawlei tangah tlanglong lam kan tuah lai tiah a chimh hna. Electric Bus hi Naypyidaw khuapi ah a service hrimhrim a hau i, cun Naypyidaw khuapi heltu dingah rianrang in tlanglong a kal khawhnak dingah tawlrel a hau.

Cu hnu ah vawlei tang ah Tlanglong lam tuah tthan ding tiah a chim. Hi konghe pehtlaiin Min Aung Hlaing nih Electric Bus tuah ding, cun Khuapi heltu dingah Tlanglong le vawleitang ah Tlanglong lam tuah dingin rianttuantu or tawlreltu hna sin ah a chim nain a tuahnak ding tangka kong pakhat hmanh a chim hna lo. Naypyidaw khuapi cu Green City, Clean City and Smart City ah kan ttamhmoih lai tiah a chim.

Be the first to comment

Leave a Reply

Your email address will not be published.


*