THANTLANG AH INN A KAANG EE, TUNI THANTLANG THILCANG CU A POI KO

Thantlang khuapi ah inn pakhat a kaang, Tuni Thantlang thil cang cu lung attha hrimhrim lo. Tuzan lei ah Thantlang khuapi chungah i kahnak fak ngaiin a chuak i, minung a thimi le hliam a tuarmi zong an um hna. Kahdohnak ruangah minung thinphang le thlalau kan um cuahmah lio ah Inn kanghnak thawng nih a vun i zul tthan.

Tuni Thantlang Thlualam lam ah a ummi Pu Chan Vung te inn cu a kaang. Pu Chan Vung te inn hi zeiruangah dah a kangh timi theih asi rih lo. Tuni ah a kanghmi inn hi Pu Chan Vun tein asi tiah theih a si. Pu Chan Vung te hi Thantlang peng Thaukhuami an si tiah theih asi. Hi inn kanghnak ruangah hliam atuarmi le a nunnak aliammi an um le um lo theih asi rih lo. Kahdohnak thawngpang um lio ah hibantuk thil a vun chuah hi a poituk hringhran.

No description available.

Thawngpang dangh: Tuchun Thantlang i kahnak ah zei sualnak ngeilo nungak pakhat an kah chih ruangah hliam a tuar. A hliamtuar hi a fak ngaingai i, a dirhmun a ttha lo ngaingai tiah theih asi. Tutiang thawngpang theihmi chungin ralhrang kawlralkap an si ko lai tiah an ruah mi minung pahnih an nunnak aliam. Tuni i kahnak ah inn zong a hrawhmi an um len tiah theih asi.

Tuni Thantlang i kahnak konghe pehtlaiin khuami pakhat nih a chimmi cu, rianrang tuk in thil a cangmi ko alo. Ralkap an i chawh kan hmuh bak in meithal thawng a chuak colh. An i kah caan hi a sau pah ngaingai. Ttuang ah kan bawk dih hna i, Meithal thawng le bomb thawng a vun um tikah hngakchia nih an ttihtuk in an ttap leng hna tiah a chim.Atu hi ca kan ttial cuahmah lio ah hin chaklei i kahnak thawngpang cu a dai ko cang. Asinain a caan caan ah thlanglei ah meithal puah thawng theih asi rih.

Ahramthok thil sining, Thantlang mipi thinphang in an um, Thantlang khuachung ah atuhi i kap hna sehlaw alo, khuachung ah meithal le bomb apuak thluahmah, Meithal puah thawng le bomb puah thawng hi minute 20 hrawng chung asi tiah an chim. Meithal le Bomb a puahnak hi TABC sang chungah asi lai tiah khuami pakhat pakhat nih a chim. Atu za kan ttial cuahmah lio zongah a puak thluahmah rih.

Khuami pawngkam a ummi hna cu ih khun tangah kan lut dih hna tiah a chim chih. Atu Meithal thawng le Bomb puah thawng kan theih mi hi aa kap mi an si ko lai ti kan zumh tiah a chim. Thantlang mipi caah thlacamnak in bawmcio hna usih. Thawngpang update tuah khawh kan vun i zuam lai. Mipi an him khawhnak dingah thlacamnak in bawmcio hna usih.

Be the first to comment

Leave a Reply

Your email address will not be published.


*