TEDIM SIZUNG AH BOMB A PUAK, THILRI TAMPI A HRAWH

Tedim sizung ah bomb a puak, bomb nih a hrawhmi thilri zong a tam ngaingai. Nizan suimilam pakua le cheu hrawngah Tedim General Hospital cu aho ti theih lomi nih bomb an puah. Zungkhan chungah an chiah mi thilri tampi hna cu an rawk ngaingai tiah theih a si. Hi bomb puahnak kongah mi zeinih dah an puah timi theih a si lo.

May be an image of indoor

Thawngpang Dang:Israel ram, Kum 12 chung a hruaitu Pu Zahu cu nihin an thlak khawh cang. Tutan Israel thimnak ah tuanbia thar an ttial. Parties tampi fawnh in Cozah dirh hau dirhmun an phan i, “Arab Islamist Raam party” nih a voi 1nk “kingmaker” dirhmun an phan. New Right party hruaitu, Naftali Bennett nih Prime Minister Kum 2 a tuan hmasa lai i, Yesh Atid party hruaitu, Yair Lapid nih Kum 2 a peh ve lai tiah hnatlaknak an ngei.

New Right party hruaitu hi mirum ngai ngai a si pinah, Israel miphun nih an uar ngaimi nationalist pakhat a si. Israel Defense a tlai balmi a si pin ah Pu Zahu ( Netanyahu) chief of staff a rak ttuan balmi a si. Coalition cozah thar an dirhmi hi Israel parliament ah “motion of confidence” vote an thlak lai i, an pass ahcun, a nung lai ti a si.

Media a cheu nihcun parties 8 aa fawnhmi an si tikah sau an kal kho hnga maw a titu an um. Israel ram sersiam nakin Netanyahu thlaknak lawng an ruat tiah an ti hna. Pu Zahu (Netanyahu) hi a chan chung ah zikhnawh ei le fir in an puh caah a min a chia ngai pinah parties dang he ifawnh in coalition cozah a dirh kho lo. Cucaah, tutan a tlaknak hi a si ve. Credit: Zasang Cinzah.

Be the first to comment

Leave a Reply

Your email address will not be published.


*