CHINLAND DEFENSE FORCE NIH RALHRANG HRIAMNAM AN CHUH KHAWH

Aliamcia August 13, 2021 in nizaan September 3, 2021 tiang raldohnak ah CDF-Mindat nih ralkap 30 leng an thah hna lawng si loin, ralkap lei hriamnam zong zeimawzat an lak khawh tiah RFA nih a tarlangh. Hi thawngpang hi RFA nih Mindat-CDF Spokesperson a simi Salai Yaw Mang biahalnak an tuah mi chung in tarlangh mi asi. A liamcia August 13 in September 3 nizaan tiang kahnak aa pehzulh ti awk a si.

Wow!Mindat CDF pawl hi uar an um bak, Ralkap tlaih mi minung an thlah hna  lo ca ah ralkap council le mizapi kar kahdohnak ngol chung mi a rawk tiah  CDF- Mindat

Kan mah lei in minung pathum nih an nunnak an pek ve, a si nain ralkap lei a thi mi hi 30 leng hrawng an si lai” tiah Salai Yaw Mang nih RFA sin ah a chim hi asi. August 13, 2021 in nizaan September 3 tiang ah raldohnak hi voi (15) hrawng cu a chuak. MA-1, MA2, MA3, MA 4 le RPG ti bantuk hriamnam kan chuh khawh hna. Cun ralkap lei 30 leng cu an thi” tiah Salai Yaw Mang nih cun a chim.

Cu ralkap a thi mi kong he pehtlai in Salai Yaw Mang nih “Ralkap a thi mi pawl hi an ruak zong tha tein an fim hna lo. Acheu cu ramlak raldohnak pawng ah an hlonh hna, a cheu cu zalam ah an hlonh hna, a cheu cu Ek khur chung tiang ah an hlonh hna, ralkap pawl cu an ruak zong tha tein an i fimtawl lo” tiah a chim fawn. Ralkap lei hi hriamnam puitling taktak, minung thazaang tam taktak in an si tawn.

BREAKING NEWS: CDF-Mindat hna nih Ralhrang pawl tibakhin Bia an Cah hna! –  Thawngpang Dik

Raldohnak pical taktak bantuk in an i timtuah i rampi raldohnak bantuk in an cawlcang, a si nain CDF lei cu Lai meithal te deuh kan si ko, cu ti cun kan doh ko hna, a si nain ralkap lei tampi an thi deuh peng tiah CDF lei nih an langhter hi asi.Nizaan tiang zong ah CDF-Mindat le Ralkap karlak kahnak a chuak. Nihin zong hi zei a lawh theih a si rih lo nain ralkap lei nih Mindat peng ah thazaang tampi an chap tiah theih a si.

Be the first to comment

Leave a Reply

Your email address will not be published.


*