SURKHUA MI AN ZAAM DIH HNA, KUM UPA TAR LAWNG AN TAANG

Surkhua Mi an Zaam Dih hna, Tar Lawng Khua ah an Taang. Hakha peng, Surkhua ah SAC ralhrang pawl an rak luh caah khuami an zaam dih i, a zaam kho lomi kum upa tar minung 20 in 30 karlak hrawng lawng khuachung an taang, tiah thawng kan theih. SAC ralhrang pawl Surkhua an phak hnu ah khuachung ah meithal an puah hnawh len hna caah khuami an um ngam ti lo i an zaam dih hi a si.

Minung pakhat nih, SAC ralhrang pawl an rak phan i zaan ah khuacung ah voi tam ngaite meithal puah sawh in an puah len. Khuami pawl an um ngam ti lo caah an zaam dih hna. A zaam kho lomi tarnu tarpa pawl cu biaknak lei rianttuantu hna nih an zohkhenh hna, tiah a chim. SAC ralhrang an phak hnu ah Surkhua a zaamtakmi hi an zapi in 1,700 in 1,800 karlak hrawng an si lai, tiah a cunglei minung nih a chim chap.

June 1-2 tiang SAC ralhrang pawl cu Surkhua meithat zung ah hmunhma an khuar nain June 4 ah cun Surkhua ah an um ti lo, tiah khuami pakhat nih a chim. Loklung khua in a zaammi hna zong atu tiang khua an hlam kho rih hna lo, tiah thawng kan theih. Credith:The Chin Journal

Surkhua Viewpoint| The Chinland Post - YouTube

Ngeihchiatnak Thawngpang: RIP. Ralhrang kawlralkap kuttang ah rianttuan huam loin ralhrang kawlralkap doh dingah nunnak pek in CDM ah a lutmi palek Salai Choi Ling cu ralhrang he an i kahnak ah ram le miphun caah a nunnak apek. Ralhrang kawlralkap le Mindat CDF hna cu tuzing June nili ah tukdohnak an tuah. Tuni i kahnak ah Salai Choi Ling cu a nunnak aliam tiah an langhter.

Ralhrang kawlralkap hna cu Mindat CDF doh ding ah Magwe ramri Shwe Aung Thar khua ah umhmun an khuar hna. Nizan June nithum in CDF le ralhrang kawlralkap hna cu biatak tein an i kap hna. Tuni June nili zongah i kahnak an peh rih. Tuni i kahnak ah CDM atuah hnu ah CDF ah alutmmi Salai Choi Ling cu ralhrang kawlralkap kahnak in a nunnak aliam tiah thanhnak an tuah.

Hi konghe pehtlaiin Mindat uktu lei nih thawngthahnak an tuahmi cu tuni i ram caah nunnak petu cu CDM atuah hnu ah mipi kilhkamhtu CDF lei in ralhrang kawlralkap adohtu asi. Raldohnak ah mipi himhimtu tthenkhat hna cu a hruai hna i, hruaitu lutlai pakhat asi tiah an ti. Salai Choi Ling hi ralhrang kawlralkap nih Sniper in an kah mi asi. Tuni i kahnak ah ralhrang kawlralkap lei in a nunnak aliammi le hliam atuarmi zat fiang in theih asi rih. Tuni i kahnak cu afak ngaingai tiah theih asi.

Be the first to comment

Leave a Reply

Your email address will not be published.


*