SAYA THAWNG TE CHUNGKHAR LUNGPUT HI CU ZOHCHUN AWKTLAK LUNGPUT ASI

Rev. NC Thawng Tha Thang le Chungkhar an Lungput hi cu Zohchunawktlak Lungput a si. MECA Hmang in MECA Relief Pathian Rian ttuan tu hna ca ah Ting (80) an Bawmh hna. Ka Rianttuan Hawi hna Philhlonak ah Vawlei cung ah hin lung a fak i, philh awk a ṭha lomi pahnih a um. Pakhat cu Vawleipi Ral a si i, a dang pakhat cu Vawleipi Zawtnak ttha lo Rai hi a si.

Atu bantukin Vawleipi Rai nih a kan den cuahmah lio ah ka Miphun hawi le ka Minung hawi hna nih Harsatnak an tonmi ka hmuh tikah ka lung a ṭha lo tuk. Cu ca ah cun kei zong ka nunnak hmanh ruat ta lo in, ka si khawh chung ka ngeihmi thazaang dihlak chuah in dohnak rian ka ṭuan hi a si. Kan Upatmi Pathian Rianṭuantu tampi kan sungh hna ruangah ka ngaih a chia tuk.

Pathian Rianṭuantu tampi kan sungh hna nak a ruang bik cu Samaritan’s thinlung ngei in midang he pehtlaih nak tampi an tuah i, an i pumpeknak ruang ah a si. Cu ca ah, MECA hmang in Pathian Rianṭuantu hna caah tiah kei le ka innchungkhar nih Ting (80) cu MECA Relief Rian ah bawmhnak kan pek ve.A kan liamtakmi Pathian Rianṭuantu hna nih an tantakmi innchungkhar hna caah thlacam piak nak he, hi Raipi hi ka Miphun hawi le ka Minung hawi hna caah ka si khawh chung in ka doh rih lai.

A kan liamtak mi kan hawi ttha hna kan phlih kho hna lo, Pathian, kan lei ah ṭang in kan bawm hram ko! Krih ah Nan Hawi Thawng Tha Thang (Pastor TT), General secretary, Believers Church, Myanmar. AGS – II, Myanmar Evangelical Alliance President, Chinland Football Club, President Yangon Lai Chiat That Bu LCB. Credit: Lian Iap

May be an image of 6 people, people sitting, people standing and indoor

Thawngpang dang: Australia Citizenship Kongah Thawngtha Taktak Asi.Rak Share Cio Ve Uh. Chin Miphun nih ID ngeih lo ruangah Citizenship soknak ah kum sau nawn a hren mi hna mincazin (Thawngkhat ) leng cu tuchunah Department of Home Affairs sinah tlamtling tein kan pek cang hna. Sanetor Dean Smith nih Chin ram ah Birth Certificate kan hman lo nak, kan ngeih khawh lo nak le UNHCR nih ralzam in apom mihna cu Australia Cozah nih ID hal lo dingin caan sau nawn a kan zuam piakmi cu Bawipa thawngin a tlamtling cang.

Department of Home Affairs nawl ngeitu hna nih Citizenship soknak kongah Kawlram lei ID (Birth Certificate) tibantuk cu kan in hal ti hna lai lo.UNHCR nih ralzam ah a rak pom cang mihna pawl cu consent form nan ttial lai i Australia Cozah nawlngeitu hna nih hlathlainak kan tuah hnuah cohlannak kan tuah lai tiah tuchun ah thawngtha taktak an kan thanh.

Zumhlomi balte an um sualah cun hleihlainak kan in tuah tthan hna lai tiah an kan ti.Western Australia Perth ah Citizenship an pekmi hna, interview an auhmi hna le (1399 Form) Declaration Of Service an ttial termi hna an tam pah cang.Citizenship soknak kong le Interview tuahnak kongah Australia um Chin Miphun hruaitu upa dihlak meeting tuah dih hnuah mah le community coiah thawng kan thanh tthan te lai. Credit: Renny Ceu L Mang

Be the first to comment

Leave a Reply

Your email address will not be published.


*