SARAM HMANH NIH RALHRANG THILTUAH AN CELH LAI LO

Lung afak hringhran ko. Ralhrang kawlralkap thiltuah cu minung asi mi nih cun celh ding asi lo. Kalaymyo ah ralhrang kawlralkap hna nih an tleihmi Ko Minmin cu zohchia le faktuk in an tukvelh nak ruangah a nunnak aliam. Ralhrang kawlralkap hna nih an hremnak hi saram hmanh nih an celh lai lo. Ataksa vialte thisen in akhat dih ti awk in a um.

Nizan ah khan Kalaymyo i, Myota sang cycle siamnak dawr ah Ko Minmin cu ralhrang kawlralkap hna nih chun hnu ah khan an tleih. Tuni may 25 ahcun Ko Minmin cu ralhrang kawlralkap hremnak in a nunnak aliam. A thihnak konghe pehtlaiin ralhrang kawlralkap hna nih chungkhar hna cu a ruak rak la uh tiah an ti hna. Tutan ah an thahmi Ko Minmin hi fa pahnih a ngei mi a si tiah an langhter.

May be an image of 1 person and tattoo

Relchih: Tutan ah The Hakha Times nih thawngpang fiang a vun langhtermi cu amak ngaingai ko. Tulio ah ralhrang kawlralkap khuakhan lairelnak cu hmunkip kaakip in doh lengmang asi. Ralhrang kawlralkap lei in a dirmi hna cu minung tampi an nunnak aliam cang. Culio cuahmah ah tutan Hakha kong an langhtermi cu lung attha hrimhrim lo.

Ralhrang kawlralkap kuttang ah rian kan ttuan lai lo tiah mikip ti awk in rian an ttuan cuahmah lio ah Chinram khualipi Hakha ah sianginn cachimtu terlei sang a panh mi mi nung pahnih hna cu CDM ah an lut nain ralhrang kuttang rianttuan dingin Non-CDM ah an kir tthan. Ralhrang lei ah rianttuan dingin minung panga hrawng an si cang tiah an an langhter. Hi konghe pehtlaiin The Hakha Times nih atanglei bangin alanghter.

Hakha BEHS No.1 in CDM saya/ma pahnih Non-CDM than, an dihlak 5 hrawng an si. Hakha sianginn lak ah a ngan bik pakhat BEHS No.1 in siangcachim CDM a tuah mi saya/ma pahnih cu an i leet i Non-CDM an si than, an dihlak 5 hrawng an si, tiah kan theih. BEHS No 1 ah hin siangcachim le riantuantu 99 hrawng kan um. Cu hlan ahcun saya/ma 3 lawng hi CDM a tuah lo mi an si i nizaan naihrawng khan minung pahnih cu Non-CDM an si than.

Annih pawl hi pension a la deng cang mi pawl an si. Sianginn zong anmah tein thianhlimhnak an tuah, tiah kan theih,” tiah CDM saya pakhat nih The Hakha Times ah a chim. BEHS No. 1 sianginn lawng si loin sianginn dang zong ah CDM a tuah lo mi siangcachim cu mitlawmte lawng an si. Sianginn hon le kai lai caan a si caah i leet in Non-CDM a tuah mi an um pah len, tiah kan theih. Credit: The Hakha Times.

Be the first to comment

Leave a Reply

Your email address will not be published.


*