SALAI TLUANG ZA THANG NIH PAKHATNAK A HMUH, LAWMHPI CIO USIH

Bawipa Thawng in tluang tein Nunu Biazai Ṭial zuamnak cu kan lim. Teinak cotu Salai Tluang Za Thang (Vanzaang) 1st, Salai Tuan Kam (Yangoon) 2nd, Salai Dk (Norway) – 3rd. Salai Siang Cung Lian Hlawnceu (Thantlang 3rd).Teinak cotu nan dihlak cungah kaa lawm. Kan lawmhpi tuk hna. Tukum cu pa lawngte nih teinak na kan hmuhpiak. Nu pawl ṭan kan ṭual a hau tinak a si.

May be an image of 1 person and text that says "14/09/2021 PATHUMNAK COTU (3RD WINNER) "Sunghno Țah Hla" SALAI SIANG CUNG LIAN HLAWNCEU A voihnihnak Nunu Biaza Țial zuamnak Miphun caah nunnak petu CNA/CDF hloinak"

Hi laksawng peknak dingah a ka bawmtu ka hawile (min langhter duh lo) nan cungah kai lawm. Bawipa nih thlua in chuah hram hna seh. Miphun caah nunnak petu CNA/CDF nusal/pasal ṭha hna kong he aa pehtlaimi biazai kan thim. Hi mark zohnak ah ka thluak a ba hringhran. A ruang cu aa zuammi pawl an thiam tuk hna caah a si. A thim kaa harh tuk.

May be an image of 1 person and text that says "A VOIHNIHNAK NUNU ΒΙΑΖΑΙ TIAL ZUAMNAK MIPHUN CAAH NUNNAK PETU CNA/ CDF HLOINAK PAKHATNAK COTU (1ST WINNER) SALAI TLUANG LIAN Û THANG "KAM 10 CHUNCHA BANG KAN DIR"

Hlan ah ka rak chim cia bangin i ralrin deuh lo ruangah mark zuhmi nan tam ngai. Spelling nan zohfel lo, nan catlang chiah dan tete zong zoh a haumi a tampi. CDF/CNA tiin ka ṭial ko nain CDF lawng or CNA lawng in tlang a tarmi zong nan um. Nan tlangtar hi a biapi tuk. Cun nan biazai fang aa dawh ko nain a herh hauha lo ah dot point ,comma le full stop ṭhenmi zong a tam. Nan biazai pawl a ṭha nain nan tlangtar nan kheng lo tiin mark tampi aa zuk.

May be an image of 1 person, sitting and text

A tanglei biazai ṭialtu hna hi an biazai ṭial a thiang hlim ruang hrim ah mark tampi aa chap. Ka vun post tikah rak zoh cio te u te law. Teinak a hmu rih lomi hna zong kan lawmhpi ko hna. Biazai zuamnak sunlawipi tu nan si. Hmailei ah caan a tampi rih. Teinak a hmumi hna biazai nan rel tikah rak cawng cio ve te u law. Lawmhpinak le upatnak roca hi kan pe rih lai lo. Ram a buai tuk lio a si i ram daih tikah rocacu CNA theihpinak te he pek khawh kan zuam hna lai. Nan ka theihthiam lai ka zumh.Upatnak ngan he,Sui Len Sung Hrangtlung (Nunu) Australia.

May be a close-up of 1 person and text

Cabiadang:Lungchung um bia. Hlasak lawng an ka thiah peng i biachimnak caan ṭha tein ka ngei bal lo. Ka chungah ai khong mi bia vialte ka chuah lo cun kekkuai in ka ṭap peng. Mah caah cun hi kaa tehin, kan nusal kan pasal hna kong he pehtlai in, sau nawn ka rak ṭial ve lai.Amanh mi nih ka relpiak ve ulaw tiah kan sawm hna. Ka lawm. Ram le miphun caah a pum ai pe mi u le nau, hawikom dawt vialte hna, upat ṭihzahnak kan pek hna. Nan cungah kai lawmh zat hin ka hmur le kaa le bia in ka chim kho lo. Nan kong ruah ah mitthli lawngte a luang peng ko. Ram le miphun dawt ruangah nan ngeih mi chawva, inn le lo, hawi le kom, inn chungkhar vialte le rawl thawthaw, nan nonak (youth) le nan zalon nunnak nan kaltaak khawh mi hi cu ka ruah lengmang ah ka lung nih a phan kho lo.

Tuchan hrimhrim ah cun social media le zeidang le zeidang ruangah SACRIFICE (raithawinak) timi hi ahartuk cang. Sungh ding le kaltaak ding thil a tamtuk. Keimah pumpak nih lairam ka dawt bak ko. Lairam caah ka nunnak kai pe siang ve ko tiin, khua ka saknak NZ ram in ka chim ve. Natein, a caan hei phan taktak sehlaw ka sining le ka zeizong vialte hi kaltaak in ka nunnak hi vai pe ve ning law cu ka pe siang taktak hnga maw tiah ka ruah tik ah ka minung sinak in cun kaa harh bak ko. I, ka chim duhnak bik cu nan raithawinak hi a ngan TAKTAK. A lianlian taktak i, mi sawhsawh nih tuah khawh mi thil zong asi lo. Mah caah cun upat lo le ttihzah lo le ṭahpi lo awk hi nan ṭha hrim loh.

SideNote: Pa hi cu Pathian zaangfahnak thawngin takpum thazaang hi cu nan i ṭhan pi ti ah cun ka palh thlu lai lo. Mah caah cun training le zeidangdang nan luh tik ah hin a har cu ahar tuk ko lai nain nan i fawih deuh men la ti khi ka hei ruat.Nain nu belte hi cu keimah he hna ka van tahchunh ah cun kan ṭhawng ko nain, ruah lo piin ramtang ah centhlok lak le caangvat le ruahsur lio hna ah training hei ka pe hna sehlaw kaa zawt phah ko la tiah ka zumh. Cu lawng si loin nu hi cu kan herh bau mi hi zaleng asi. CNA/CNF/CDF online meeting hin ka ṭhu, si lo le live in ka zoh caan ah kan NUSAL hna nih nulei sining harnak an chim hin cun ka theihthiam piak tuk hna.

Inn um sawhsawh hmanh ah ahar/aherh mi thil khi ahei tam. Ramlak le mipi le PA he khuasak nak chinchin ah cun zeitindah a va har hnga timi khi ka ruat. Mah caah cun ka U le ka Nau hna kan upat tuk hna. Nusalttha hrimhrim nan rak si ko. Telh chap ka duhmi cu, tuchan ah cun LAIMI dawtnak le tlaihchannak timi a zor thluahmah lio ah kan unau, kan Chin ralkap nusal, pasal ṭha nih athar in kan thinlungah nan nunter ṭhan.Nanmah thawngin, alam kip in Lairam, Lai miphun hi kan ṭhangcho, kan par chinchin cang lai timi fiang tein ka hmuh. Atu hmanh ah hin ai thok cuahmah cang tiah ka telh chih.

Adonghnak lei ah chim ka duh mi cu, nilin le lam chosaang le ruahpi sur lak ah nan vaih lio zong ah khan, ramdang ummi nan unau le nih kan in philh hna lo, kan in dawttuk hna. Nan caah aherh ning in khua kan khaang, rian kan ṭuan i kan in ruah lengmang ko hna tiah chim ka duh. Ahlei in, liannganbik kan Pathian, Jesuh Khrih Thiang Thlarau nih an philh hna lo i an um pi zungzal ko hna ti kha philh hlah. Zeizong vialte lak ah a ṬHA bik mi RALHRUANG JESUH KHRIH dawkaw kan ngeih cuh! Mah lawng si hlah, Atei cia VAWLEI ah dawkaw khua asa mi kan si ko cuh. Jesuh teipiak cia ram vawlei…kan sung kho ti lo. Teitu ciasa kan si cang. Mah caah cun, Ralṭha ngai le ṭihnak zeihmanh ngei lo in kal cuahmah u! Upat nak he, VHS.

Be the first to comment

Leave a Reply

Your email address will not be published.


*