SALAI LUNGTHLITUM AA SUM KHO VE TI LO, A PHUAN LAWLAW

Senthang CDF hi member caah cohlang bak hlah, Senthang cu Hakha CDF nih a uk lai’ tiah Hakha CDF nih CJDC kha warning a pek. Hi ruang ah Senthang CDF cu MAH ralkap a doh bikmi an si ve ko nain CJDC member ah an luhter ngam hna lo. Phaipha B khuami tam deuh nih an khua uktu caah Senthang CDF an duh. Nain, Hakha CDF nih ‘kannih cu CJDC member kan si, Senthang CDF tham cu CJDC member zong an si lo, nawl an ngei kho lo’ tiin khuami tam deuh duhthimnak kha zei rel piak ti loin aa-na an va ting.

Aana ting a duh lomi Phaipha saya cheukhat nih aana a tingtu tarmi ca kha an hrawh—sandah an piah. Tikah, aana a tingtu phu an thinhung i an tlaih hna, bia an i kam hnu ah thlah than an si (lamzawh lio MAH nih sandah piahtu zaankhat thonginn a khumh hna bantuk).

Mara zong ah Mara CDF nih CJDC member an sinak power hmang in MDF an thawnnak Mara khua vialte zong uk dih an duh. Mara ram vialte anmah kuttang chiah an duh. Cuti an lornak cu CJDC nih kan palh zong ah an kan tanpi lai tiah an ruah. CJDC nih MDF cu member ah a cohlang duh hoi ve hna lo. CJDC member si kha United Nations ah member si bantuk in power an ngeihter cio cang.

Khuami nih anmah an duh deuhmi uktu phu kha zalawng tein i thim ko hna seh. MAH nih meithal le a ralkap bochan in aaana a ting bang, nanmah pawl zong nih CJDC member sinak le nan meithal kha i bochan in aana ting ve hram ti hlah u, buainak zor deuh cang seh. Credit: Salai Lungthlitum

Be the first to comment

Leave a Reply

Your email address will not be published.


*