RIP. TUZAN LEI AH RALHRANG NIH KANKAW AH SAYA PAKHAT AN THAH

RIP. Kankaw ah ralhrang kawlralkap nih CDM a lutmi Saya Saw Min Naing Oo meithal in an kah thah. Tuzanlei ah ralhrang kawlralkap nih Kankaw peng, Yehlah khua ah CDM atuahmi cachimtu saya Saw Min Naing Oo cu meithal in an kah thah tiah khuami hna nih thawngzamhnak ah an chim. Tuzanlei ralhrang le PDF i kahnak ah ralhrang kawlralkap a tlawmbik minung panga an nunnak aliam i, PDF lei in minung pathum an nunnak aliam tiah an chim.

May be an image of 1 person and outdoors

Tuandeuh Thilcang:Tuni Kankaw peng ralhrang kawlralkap le Yaw PDF i kahnak a dih hnu ah ralhrang kawlralkap nih sualnak ngeilo minung pakhat an kahthah pin ah inn zong an khangh rih. Tuzan lei ah ralhrang kawlralkap le Yaw PDF hna cu kalay le kankaw karlak Yehlah khua pawngah an i kap. Ralhrang kawlralkap nih inn pathum mei inn an khangh i minung pakhat an kahthah tiah khuami nih an chim.

May be an image of child, sitting and indoor

Ralhrang kawlralkap hna cu motor pali an ra hna i, lampi ah Yaw PDF nih an kah hna. An i kahnak ah ralhrang motor pakhat akaang. Cu hnu ah ralhrang kawlralkap hna cu hnu ah an kir tthan. Lampawng ah a ummi minung pakhat an kahthah pin ah inn pathum zong an khangh rih tiah khuami nih an langhter. Tuni i kahnak ah a thimi zong an um ko nain fiangin theih asi rih lo tiah an chim.

Hi konghe pehtlaiin thawngzamhnak dang tthenkhat nih cun tuni Kalay le kankaw karlak I kahnak ah ralhrang kawlralkap lei in minung panga an nunnak aliam i, Yaw PDF lei in minung pathum an nunnak aliam ve tiah thawng thanh nak an tuah ve. Asinain hliam a tuarmi zat tu cu langhter a si lo.

Be the first to comment

Leave a Reply

Your email address will not be published.


*