RIP. FALAM PENG KAHDOHNAK AH CHIN PASALTHA 4 NUNNAK ALIAM

Falam Peng Kahdohnak ah CNDF in Minung 4 nih Nunnak an Pek/ Nihin (June 29) zaan sml. 7:30 hrawng ah SAC ralhrang nih thazaang tampi in CNDF hmunhma an laknak lei ah an kal hnawh hna i kap hnih kahdohnak suimilam pahnih chung hrawng a rau.CNDF lei in minung 4 an nunnak a liam i a dang minung 3 hliam an pu.

SAC ralhrang lei in minung 10 an thi i, hliamhma a pumi an tampi, tiah CNDF nih thawng an chuah.SAC ralhrang pawl an kir tthan cang nain kahdohnak pehzul in a chuak kho, tiah CNDF nih an langhter. Tlaamtling tein a tanglei ah thanhnak an tuahmi kan vun langhter chih rel khawh asi.

No photo description available.

Thawngpang dang:Mizoram Ramri Ah Assam Police An Kal Than.Nihin June 29.6.2021 zinglei ah Assam palik le tupi zohkhenhtu hna cu Mizoram ramchung Mizo pawl dumtuahnak hmun Aitlang hnar lei ah tam ngai an rak ra than tiah theih asi. Assam palik hna hi Hailakandi SP, Sub-Division Officer- SDO le District Forest Officer- FDO hna nih an hruai hna i Vairengte mi Pu Lalchhandama thlam an hrawh pin ah Kunya kung cheukhat an phawi piak dih hna.

Assam palik hna cu Mizoram chungah an rak luh ruangah le Pu Lalchhandama thlam an hrawh mi duhlo in Vairengte mino hna cu Assam palik pawl umnak ah an kal colh ve.Hi thawng theih in Mizoram palik SDPO nih mino hna cu cozah bia le hla hngak dingin a chimh hna hnuah Mizoram palik le mino hna cu Assam palik pawl umnak ah an va kal hna i, kaphnih hruaitu pawl an i chawnh hnuah Hailakandi ah tonbiaruahnak ngei ding an hna tla.

Assam le Mizoram ramri hi hlan lio in kum fatin buainak a chuak peng mi asi. 2018 ah Mizoram Chief Minister hmasabik Pu Ch.Chhunga ram chungah MZP nih ramri kilvennak langhternak caah i dinhnak thlam an sak mi cu Assam palik nih duh lo in Sianghngakchia hna an velh hna, meithal in an kah hna caah buainak fak ngai a rak chuak bal cang. Credit: TCP

Rel Aphu Bak:Ralkap Chung Buainak, An Mah Karlak Hlathlai Nak. Social Media facebook page, Telegram Channel ti bantuk an tuah ve, an mah chung in NLD lei a ttang mi, Ralkap hramhram uknak lak a lungtling lomi biatak tein an i kawl ve ti a si. Min pek ningcang zong an thiam ngai “Investigative Department Of Watermelons- ဖရဲသီးနှိမ်နှင်းရေး” tiah Social media an ser i an mah Leirawitu timi paoh heh tiah an tar ve hna ti a si.

An langhter ning ah “Watermelon” cu a leng zohnak in cu “Ahring” dih, a si nain a chung taktak cu “Asen” . Cu bantuk in “Ralkap Uniform, Ahring aa hruk mi chung in, A chung “Asen” mi (NLD tanhtu) an um ti khi a si. Cu caah cu bantuk hlathlainak ah cun “Investigative Department Of Watermelons- ဖရဲသီးနှိမ်နှင်းရေး” timi social media cahmai pawl an ser i, biatak tein an phozar cuahmah ve an ti.

Ralbawi thiamnak a cawng mi tlangval pawl an darling, Ralbawi nupi cheukhat le Ralkap minung chungkhar chung in cu bantuk cu an um ti asi. Cun atu hlathlainak a tuah tu chung ah hin, Ralbawi rengsang taktak hna i an nupi le, Ralbawi mirum taktak a simi, chungkhar hna zong an um ve ti a si.

Investigative Department Of Watermelons- ဖရဲသီးနှိမ်နှင်းရေး” timi na tial ahcun an social media page na hmuh khawh lai, cun Telegram Channel na hman ve ahcun join tuah law an hmanthlak tar mi, an biachia kha tampi na rel khawh ve lai. Ralkap chung zong in hlathlainak heh tiah an i tuah ve, social media in mipi dohnak he an tuah ve cuahmah tinak asi. Credit: Salai Cung Dawt.

Be the first to comment

Leave a Reply

Your email address will not be published.


*