RIP. CHIN MINO PALI CU AN RUAK UM LOIN AN VUI HNA EE

Minung fa nih celh ding a si lo ee, Ruak um loin a nunnak aliammi hna cu an vui hna. Tamu pengah ralhrang kawlralkap hna nih minung pali hna cu an kahthah hna. Thilsining cu hitihin a si. Aliamcia nizan tihni July ni 10 zan suimilam pakua le cheu in pahra karlak ah ralhrang kawlralkap hna nih Tamu pengah minung pali an kahthah hna.

Cu an thahmi hna cu ruak um loin vuinak an tuah tiah an langhter. Zalenphai khuami minung paruk hna cu khualei panh in an tlun lio, Mintha hlei an phak ah ralhrang kawlralkap an kah hna i, a hmuncia ah minung pahnih an nunnak liam. Hliam a tuarmi minung pathum hna cu an tlaih hna i, cu chungah minung pahnih an nunnak aliam tthan.

Ralhrang kawlralkap hna nih an kahthahmi hna cu Ngam Chin Pao kum 23 le Pao Gin Mang kum 18, cun Mang Gao Hao kum 17 le Do Kho Lei kum 16 hna an si. Chin mino minung paruk chungah minung pakhat cu vantthat ah a zaam manh tiah an langhter. Minung pakhat cu a paw ah an kah i, nizan ah khan an tlunter tiah an chim. Tutan ah ralhrang nih an kahthahmi hna hi Kuki-Chin an si tiah an chim.

May be an image of outdoors and tree

Abiapi Taktak Mi Hakha Thawngpang: COVID-19 Caan Chung Hakha Rual-U Thlaanhmun Man an Thumh. Nihin zinglei ah Hakha Rual-U le Hakha Township Public Healthcare & IDPs Management Committee (HTPH & IDPsMC) an i tong i a tanglei bantuk in biachahnak an ngei. Biachahnak: (1) Covid-19 zawtnak pulrai a kan den chung vialte Hakha Rual U thlan ah ruakfimmi chungkhar cu thlan man ah Ks. 200,000/- lawng lak a si cang lai.

Khrihfabu member chungah a har tukmi an um sual ahcun hi Committee sinah thawng nan kan thanh lai. (092450314, 09421158480),(2) Ruak phorhnak caah Rual U nih an kan hlanhmi hi Committee motor nan hman ahcun dawtnak he alak tein bawmh nan si lai. (09400311644), (3) Rual U thlan ah PPE uniform phoihnak tha tein sakpiak a si cang caah Uniform phoihnak hmun le khanghnak hmun ah ralring tein PPE uniform i hruk/phoih le khangh ta khawh kan i zuam hna lai.

Theihternak: (1) Mithi um tik ah mah le Khrihfabu le sang le veng cio nih tuanvo lak in vui a si caah PPE Uniform tling tein tuanvo nan lak cio lai. Nan i ralrin manh lo ahcun hi Committee sinah bawmhhal khawh a si. (Ph. 09423661278, 09400303091). (2) Ruakkuang kongah siizungpi ah lakhruak herhmi nan um ahcun Ks. 80,000/- in hman khawh ding in timhtuah piak cia mi a um. Bawmh hal khawh a si. (Ph. 09442001362).(3) Update kan tuah lengmang lai caah Phone number tete aa thleng kho i kan page ah kan leng lengmang ko u tiah kan in sawm hna. Credit:The Chin Journal (HTPH & IDPsMC)

Be the first to comment

Leave a Reply

Your email address will not be published.


*