RIP. CDF MINDAT IN MINO PAKHAT A NUNNAK A LIAM TTHAN

CDF-Mindat in Mino Pakhat a Nunnak a Liam Than. Nihin (June 8 zinglei ah Mindat he meng 10 a hlatnak Phaya Sakhaan khuate le Yat khuate kahdohnak ah CDF-Mindat in Salai Ling Yaw Om (kum 18) nih ram le miphun ca ah a nunnak a pek. June 8 tiang ah CDF-Mindat in minung 22 nih SAC ralhrang do in an nunnak an pek cang. Credit:The Chin Journal

May be an image of outdoors and text that says "REST IN PEACE SALAI LING YAW OM"

Thawngpang Dang:Kawlram buai lioah thawngpang dang alinsa tthan. Rianttuantu minung 700 leng lahkhah pek loin a zaammi thilthitnak sehzung ngeitu pa cu tazacuai a sinak in kumkhat leng a rauh hnu zongah a hmuh check a si rih lo. Yangon region South Dagon ah a um mi Euro Gate thilthitnak sehzung ah a ttuan mi minung 700 leng cu lahkhah pek loin angeitu pa a zam diam.

Azaami mi sehzung ngeitu pa cu taza cuai asi ko nain kum khat a rauh tiang ah a hmuh check piak a um rih lo tiah vuanthan pawl sin in theih asi.Sehzung ngeitu nih cun a riantuan pawl cu 2020 March le April lahkhah cu Thingyan zung khar hlan ah pek loin a um hna caah riantuantu pawl nih duhlonak langhternak an rak tuah caah an lahkhah cu a cheu tu in a pek chung hna I a tang mi a cheu cu April ni 21 hlan ah kan pek dih hna lai tiah upa hna hmaika ah minthut nak a rak tuah.

Thingyan dih hnu in tutiang ah sehzung cu an on than ti lo caah riantuantu pawl cu lahkhah pek hlei loin a um caah vuanthan lei Usi-hmu nih South Dagon taza zungah sehzung ngeitu pa cu vuanthan hna aiawh in taza a cuai. Cu thilthitnak sehzung cu Germany pa le Kawlram pa U Myo Win hna I fonh in an dirh mi a si tiah sehzung ah a tuanmi vuanthan nih a chim.

Asi nain U Myo Win nih cun a ngeitu ah ka tal lo. Vuanthan sawhsawh ka si tiah a chim. A tu tiang ah taza zung nih a auh hna nain Germany pa cu voikhat hmanh a ra bal lo.Cu pin ah Kawlram pa U Myo Win nih sehzung ah a ummi thil pawl cu a thir len hna caah sehzung chung ah zeithil hmanh a um ti lai loh tiah vuanthan pawl nih cun an chim.

A hlan ah khan cun taza kan cuai mi kan tei lai i, kan nihlawh cu kan hmuh than te ko la tiah ruahchan nak kan rak ngei nain atu cu hiti hin dih dawh si cang tiah Euro Gate vuanthan pakhat a si mi U Myo Min Lwin nih a chim. Sehzung ngeitu nih vuanthan pawl pek ding in a tangmi lahkhah hi ting thongkhat hrawng a si tiah a chim chap.

Be the first to comment

Leave a Reply

Your email address will not be published.


*