RIP. CDF LEI IN RAM LE MIPHUN CAAH NUNNAK PETU HNA ZAT LE AN MIN

Ralhrang kawlralkap he i kahnak CDF-Mindat lei ram le miphun caah nunnak apemi dihlak hi minung 21 an si cang. Ralhrang kawlralkap hna nih hramhram in uknak an lak lawng siloin sualnak ngeilo mipi cungah thahnawnnak an tuah ruangah CDF zong Chinram chungah dirh asi i, ralhrang kawlralkap hna cu an doh cuahmah hna.

CDF lei nih ralhrang kawlralkap an thahmi hna hi minung 300 tluk cu an si cang lai tiah an ruahdamh. Hi chungah CDF mindat nih ralhrang kawlralkap an thah mi hna hi minung 200 tluk cu an si lai tiah an chim. CDF cawlcanghnak ah biatak tein ralhrang kawlralkap he fakpi in aa kapmi cu CDF-Mindat hi an si. Ralhrang dohnak a nunnak aliammi pasalttha hna cu a tanglei bangin an si.

Pakhatnak.Salai Thang Hung Thang (May 13, Kohkun i kahnak), Pahnihnak.Salai Man Ki Thang (Kohkun i kahnak), Pathumnak .Salai Hung Uam Hung (Kohkun i kahnak), Palinak .Salai Thang Pat (Kohkun i kahnak), Panganak.Salai Khi Shing Nin (May 14,Kohkun i kahnak), Paruknak. Salai Ha Khi Shing (Kohkun i kahnak), Pasarihnak .Salai Ki Tam (May 13,Meng 35 i kahnak).

Pariatnak. Salai Ki Shing ( Meng 38 i khanak May 17), Pakuanak. Salai Ling Ki (A hnulei i kahnak), Pahranak. Salai Ling Shwe (A hnulei i khanak), Hleikhatnak. Salai Thang Naing (Pukun i kahnak 21.5.2021), Hleihnihnak. Salai Tam Ling (Pukun i kahnak bomh hliam tuar in 26.5.21), Hleithumnak. Salai David (Pukun i kahnak bomb hliam in 26.5.21) Hleilinak. Salai Thang Ling (Khuailunhta i kahnak 30.5.21).

Hleinganak. Salai Chui Ling@Shawng Lin (June 4,Shwet Aung Ta i kahnak) Hleiruknak. Shing Aung Thang (June 4,Melekun i kahnak) Hleisarihnak. Salai Thang Ling(June 4, Melekun i kahnak) Hleiriatnak. Salai Ngai Shing Man (June 6.Yian i kahnak) Hleikuanak. Salai Thang Man (June 6,Chawngsu i kahnak) Pakulnak.Salai Ha Phe (June 6,Chawngsu i kahnak) Kullekhatnak. Salai Lin Naing(June 7.Yian i kahnak-Khua chungah rawl ei lio ah hriamngan tuar in a nunnak liam). Acunglei langhtermi hna hi ram le miphun caah a nunnak apemi an si. Upatnak pe cio hna usih.

CDF-Mindat An Dirhmun Thinphang Ngai Si Ee -

Thawngpang Dang:MRCS Le ICRC Nih Paletwa Peng Ralzaam Umhmun 11 Ah Bawmhnak An Pek.Nikum AA le Ralhrangbu kahdohnak ruangah Paletwa peng Inndong 2000 leng cu Paletwa le Sami ah an zaam. Atu hi an inn le lo an chuahtaknak thla 13 a phan cang. An umnak hmun zong tampi cu a rawh cang caah fur a tlak ahcun harsatnak tampi a tong ding an si caah MRCS le ICRC nih bawmhnak an pek tiah theih a si.

Paletwa le Sami ralzaam hna kong he pehtlaih in Myanmar Red Cross Society (MRCS) tuanvo ngeitu Daw Aye Aye Nyein nih ralzaam dirhmun in an umnak kum 1 renglo a si cang. Umhmun 11 i an umnak inn tampi a rawk cang. Fur a tlak ahcun um awk a tha ti lai lo tiah a chim. MRCS le ICRC nih ralzaam inndong 2000 caah tangka le remh than a hau mi inn 1800 caah a herhbau mi hna an pek.

Sami ralzaam hmun Ti laknak le bomb kam nak hmun ah a um mi pawl cawnpiak nak le ralrin ning zong ngei piak a si. ICRC hi MRCS hi nikum in hmun dang dang ah a um mi Chin ralzaam pawl zohkhenh le a bawmtu an si. Buainak a tong mi chungkhar hna cu thleidannak um lo tein MRCS he kan zohkhenh rih hna lai tiah ICRC Chin ramkulh rian ngei tu Olivier Dorighel nih a ti. ICRCM

Be the first to comment

Leave a Reply

Your email address will not be published.


*