RIP. A NU TLAWN AH A KALMI LAINU RALHRANG KUT IN A NUNNAK LIAM

SAC Ralhrang nih Meithal in an Kah i an Kalpimi Chin Nungak a Nunnak a Liam.June 23, zaan sml. 9:00 hrawng ah Kalaymyo ah SAC ralhrang nih meithal in an kah i an kalpimi Chin nungak Nuam Za Thiang (kum 19) cu a ruak rak hlam ding in SAC ralhrang nih nihin (June 24) ah chungkhar thawng an thanh hna, tiah thawng kan theih.

Nungak Nuam Za Thiang hi Falam peng, Zawlnu khua in Kalaymyo ah a nu va tlawn ding in a kalmi a si. June 23 zaan ah a hawipa Salai Ngun Nei Piang he Taungphilar sang in an rak ttin lei ah SAC ralhrang nih meithal in an kah hna. A hawipa Salai Ngun Nei Piang cu a hmun ah a nunnak a liam. Nuam Za Thiang hi a phei ah meithal kuan nih an khen i SAC ralhrang nih an kalpi.

COVID-19 zawtnak in a nunnak a liam tiah nihin ah a ruak rak lak ding in SAC ralhrang nih chungkhar sin thawng an thanh hna hi a si.Chungkhar nih a ruak a lak i COVID-19 zawtnak in a thi bantuk in a ruak cu an vuiter hna, tiah Falam CDM bawmhnak petu bu nih an langhter. Credit: The Chin Journal

May be a close-up of 1 person, outdoors and text that says "RIP MW NUAMTHIANG"

Chungkhar lei an celh bak lo. June thla ni 23 ah Thipaw khua ah meithal kah nak in a thi mi pa ruak cu tuzanlei ah kan vui lai tiah an chim. Shanram Thipaw khua ah June thla ni 23 zan nazi 8 hrawng ah kum 27 a si mi Ko Aung Min Thu cu lakphak dawr in a lawi pah ah ralkap nih meithal in a lu ah an kah caah a thi tiah khuami a hmu mi hna nih an chim.

Meithal kah thawng voi 9 hrawng kan inn pawng ah kan theih caah leng ah kan chuak I kan zoh. Lakphak dawr a kal ti kan theih caah kan lau I kan va zoh tik ah cun a cycle cu a rak tlu I a mah zong lam ah cun a ril ko. Ralkap lei nih cun dir tiah kan ti mi cu a dir duh lo caah van lei hoih in meithal kan puah tiah an ti. Ko Aung Min Thu he cycle a phirh mi pa te cu a lau tuk nak ah zam I kan hmu kho rih lo.

Ko Aung Min Thu a nupi nih fa a ngeih nak hi ni 22 lawng asi rih. Lakphak dawr in lawi pah in a cang mi asi caah hin kan tuar kho hrim loh tiah taan tak mi inn chungkhar hna nih BBC ah an chim. A ruak cu tu zaan lei ah kan lak khawh lai I kan vui colh la tiah chungkhar lei nih an chim. Thipaw khua ah ralkap nih kahnak ruang ah mipi 2 an thi cang tiah khuami hna sin in theih asi.

Be the first to comment

Leave a Reply

Your email address will not be published.


*