RALRIN A HAU, DELHI RAT AA TIMMI MINUNG 26 AN TLAIH HNA

Catialtu: Salai Cung Dawt. Delhi lei panh a rak tim mi nih Ralrin deuh a herh men lai. Nihin zing ah kan mah lei minung Delhi ah rat a timi minung 26 Guwahati ah tlaih an tong. Nanmah lei mi an si tiah an ka chonh i an rak si taktak ko. A mah belte an min, Laitlang lei an khua dihlak in theih khawh a si rih lo. Hmuhton le chonh an ngah rih lo. Keimah zong an tlaih hna timi hnu lawng ah ka theih caah an sining a dikthlir in ka hlat kho ti lo.

Chanchuah khawhnak ding ah hmunkip hlathlai le bawmh hal a si nain tlamtling lo. Guwahati ah a um mi ka Unu a dam lo ngai mi, Sizung ihkhun cung ah a it ko mi tu, bawmhhal le hnahnawh nak ka va pek tthan i ka buaipi ko ka ti. A mah nih an umnak a hlat khawh (Police Station an chiah nak hna) a si nain hmuh le chonhbiak a ngah rih lo.

Thaizing zing ah rak ra te an ti i a dam lo bu in Police Sakhan ah thaizing ah a va fuh te hna lai i, zeitin dah tawlrel ning, zeiruang bik ahdah tlaih a si timi zong a fiang te men lai dah. Nain fawi tein chuah khawh lo zong an si kho deuh men. Ka chim duh mi cu “Delhi lei rat a tim mi nih, Guwahati ,Asam ram lei in a ra mi nih kan tlunnak Hotel hi zeibantuk Hotel dah a si, lampi a him maw?

Zeibantuk catlap he dah kal ah a him deuh lai ti bantuk zong felfai tein hlathlainak ngeih a tha lai dah. Atu tiang cu an caah tuah khawhmi le chanchuah khawhnak pakhat hmanh ka tuah khawh mi a um rih lo. Hi minung(26) caah tuah ttuan khawh mi le chanchuah khawhnak lam hna ka ngeih khawh ve sual pang ahcun update tu tuah kaa zuam than te lai. Delhi lei panh a timi caah ralrin a herh rua timi siaherhnak he ka tarlangh. Siaherhnak he, By Salai Cung Dawt.

COVID-19 hits Delhi Police as more than 300 cops infected with deadly virus  | Delhi News | Zee News

Thawngpang dang. Hakha Palek CDM chung ah ralrin ding. February 1 i uknak an laak hnu February 5 hrawng in CDM timi cawlcanghnak kan i thok. Kan i thok ka in nihin tiang CDM pehzulh in a um. Hakha zong ah pehzulh in CDM an tuah rih. Lawmh a um, di a riam lawlaw. Asinain, September 7 hnu CDM tuah pawl hi kan i ralrin ngai an hau rih.

Cu chung ah Hakha nih kan i ralrin ngai awk a si rua tiah ruahmi CDM pakhat ka vun langhter lai. Hakha hrambunh Palek hna chung in September 11 ahkhan CDM a tuah mi minung paruk an um. Hi minung paruk chung ah PA pakhat hi February 7 Hakha mizapi zalam chuak in lam kan zawh lio in a rak i Dalan mi aa tel. Mah mipa hi zeitluk indah tih a rak nun?

Lamzawhnak ah hruaitu a si mi pawl ngiathlai tu.. Hakha i tlaih mi hna an inn lam hmuhsaktu, Comment kip ah kan farle pawl a thihpheihtu, Lamzawhnak lei zeizong zeizong ah a pule sin ah thawng a thanhtu a si. Zeiruang ahdah ka zumh lo. Mizapi theih in, “Nan ngamh cun rak ka tlai uh. Nan ngamh poh ka ngamh dih. Nan ka tlaih khawh ahcun ka tlai ngat uh,” a rak ti bal.

D-Day thanh hnu ceo (cu hmanh ah kahdoh chuah hnu ceo) i CDM ka tuah timi kha cu zumh a har bak. Pakhat khat cu an i tinh mi le aa tinhmi a um hrimhrim lai. Cu a si ca ah September 11 i Hakha hrambunh Palek CDM paruk hna kha cu rian ngeitu hna nih felfai in zohkhenh an hau lai ka zumh. Amah ruang ah thong a tla mi an tam. Hrem a tam mi an tam. Mahtluk i a rak si mi CDM ka tuah ti hi cu zaa ah zaa ka zum kho lo lawlaw. Note/ I ralrinnak ca ah ka tialmi a si mu. Credit: Salai Tluangte.

Be the first to comment

Leave a Reply

Your email address will not be published.


*