RALHRANG ZAAMTAAK IN CDM A TUAHMI CHIN PA LE A CHUNGKHAR AN LUNGRETHEI

SAC Ralhrang a Zaamtak i CDM a Tuahmi Chin Pa le a Chungkhar an Harsa le Lungrethei in an Um. Kayin ramkulh, Hpa-an khua ah hmun a khuarmi SAC ralhrang bu No. 202 ah rian a ttuanmi Tedim pa cu a chungkhar he SAC ralhrang bu an chuahtak i bawmtu ngei loin an um caah harsa ngaiin an um, tiah RFA nih tu zaanlei ah a langhter. CRPH he zong pehtlaihnak kan tuah kho lo.

Kan i dupnak khua ah harsa in kan um,” tiah nihin May 26 ah RFA ah a pehtlaih hna. SAC ralhrang bu kan zaamtak cang caah kir tthan awk zong a ttha ti lo. CRPH nih runvennak a kan pek nakhnga online in kan pehtlaih nain kan pehtlai kho hna lo,” tiah a chim. Tedim pa le a chungkhar hi thla khat dengmang khua pakhat ah a nupi le a fale pathum he an i thup cang.Humnak hmunhma an phak rih lo caah a cunglei ralkap pa i a min, ralkap ttuannak number le an i thuhnak hmunhma pawl langhter a si lo, tiah RFA nih a ttial. Credit:The Chin Journal

May be an image of one or more people and outdoors

Spring Revolution cu thaazaang thawng ngai in hmailei a nawr chin lengmang caah a herh mi I timhcia ding in Dr. Zaw Wai Soe nih thawng a thanh. Myanmar Spring Revolution cu a tu lio ah thaazaang thawng ngai in hmailei a nawr chin lengmang caah mipi hna nih ralring tein um kal cawlcangh ding siseh a herh mi timhcia tein um ding in NUG cozah I fimnak le damnak lei vuanci Dr. Zaw Wai Soe nih tuni ah a facebook ah a post.

Hi konghe pehtlaiin a chim tthan rih mi cu mipi hna nih PDF member hna caah siseh mah le inn chungkhar hna caah a herh mi sii-ai le eidin hna cu I khon cia ding in a chim chih. Kan ram thlennak caah biatak tein lam a kan hruaitu hna hi CRPH, NUG, NUCC le EAO hna si loin Gen-Z mino pawl an si tiah a cunglei upa Dr. Zaw Wai Soe nih alanghter chih.

Tuchun Thawngpang Relchih:Tuni ah ralhrang kawlralkap le KIA an i kap. KIA hriamtlai le Ralhrang Kawlralkap hna cu Kuat Khai khua pawng ah an i kap tiah thanhnak an tuah. Tuni May thla ni 26 zing lei ah Shan ram Kuat Khai khua he meng 10 tluk a hlatnak hmun ah ralhrang kawl ralkap le KIA karlak ah kahdohnak a um tiah khuami hna sin in theih asi.

KIA le ralhrang kawlralkap an i kah hmun cu su-khin-ta le Nam Pha Lon karlak ah asi. Tuni i kahnak ah Ralhrang Kawl Ralkap lei nih hriamnam ngan in voi 5 hrawng an kah hna thawng kan theih tiah khuami pakhat nih a chim. Hi konghe pehtlaiin Kuat Khai khuami hna nih an chim rih mi KIA le Ralhrang Kawlralkap an I kah cu kan theih ko hna.

Asinain an i kahnak kongah thil sining fiang in kan thei kho rih lo tiah a chim chih. Hi konghe pehtlaiin kan hnu zarh zong ah Pyi Thaung Su lam ah a rak ra mi ralhrang kawlralkap mawtaw cu Kuat Khai khua pawng ah KIA nih an rak kah hna pin ah an motor zong an rak hrawh tiah thawngzamh nak nih a chim. Tuni i kahnak a thimi le hliamhma a tuarmi kong tu cu an langhter lo.

Be the first to comment

Leave a Reply

Your email address will not be published.


*