RALHRANG CAAH THINPHANG SICANG, CNDF RALBAWI A THINHUNG

CNDF ralkap Salai Shalom Siang Thang Lian telhin thongtla tthenkhat ralhrang nih an thahmi kongah phuba kan lak lai tiah CNDF Deputy Commander-in-Chief nih video hmangin theihternak atuah. Atimi cu mipi ralkap pawl thonginn chungah hriamnam ngei lo in ralhrang hna nih an kahthah hna.

Hi nan thahmi hna a mawh nan phurh ngam ahau i, cu ahcun timhlamhnak rak ngei uh. Dik lo tuk in nan kahthah mi ka hawi le hna caah phuba hlam dingin kan i timhtuah cang. Tatmaha 22 ih Biuhahmu le Commander kha voikhat tein bia rak hal hna uh. Kan hnu lei ah khan zankhat ah athat kho dih dingmi kan si.

Cubantuk in caan ttha kan ngei ko nain mipi zawnruahnak ruangah an pawngkam te kan kal ko nain mikuh thawtein an ih lio ah kan kah thah khawh tuk ko hna nain kan kap duh hna lo. Mipa a fimfim kan sibantukin meithal hmangin aa kap ding kan si tiah hnu kan soh.Mipi pawl temtuar an si lai kan phan caah hnu kan sohnak si.

Hriamnam ngei lomi thonginn chungah a ummi PDF kan hawi le nan kahthah hna, Hi ruangah nan tuar ve ahau. CNDF Deputy Commander-in-Chief a simi keimah nih ralrinnak kan pek hna. Ralring uh, nan tuh bangin nan zun lai iralring uh. Nan ralkap kan tlaih tikah thatein kan nih nih cun rawl kan pek hna.

Hnangam tein kan chiah hna. Tuni tiang mi kan vua hna lo. Nan tuahmi bantukin nan tuar ngam a hau i cu ahcun timhtuahnak rak ngei chung uh tiah CNDF ralbawi nih ralrinnak a pek hna. March ni 15 ah khan ralhrang kawlralkap hna nih Salai Shalom Siang Thang Lian @Van Dam, Win Ko Naing, Maung Nyi, Chan Min Ko, Toe Khaing, Nyuit Win Aung @ Myo Win Aung le thawngtla Myo Min Tun hna cu zam an i timh caah kan kah hna tiah an thanh.

Be the first to comment

Leave a Reply

Your email address will not be published.


*