NIZAN AH CNA LE CDF NIH RALHRANG CEILAK ANTHAH HNA

Nizan 2022, April 3 zaanlei suimilam 8:30 hrawngah Paletwah peng Sami khuachung luhnak gate cu CDF-Paletwah le CNA phufonh nih hriamngan he luhhnawh in kan kahdoh hna caah kaphnihkar kahdohnak minutes 30 tluk a chuak.Kaphnihkar kahdohnak ah SAC ralkap lei in minung 6 an thi i hliamhmatuar an tam tiah theih a si. CDF-Paletwah lei hliamtuarnak umlo in hnu kan tolh kho than tiah Chinland Defence Force-Paletelwah nih cathanh an chuah.

Thawngdang. Mandalay ramthen Mataya(မတ်တရာ) ah hmunhma rallam a sialtu SAC ralkap hna cu nizaan April 3 ah PDF nih bomb an puahhnawh hna caah SAC ralkap minung 4 an thi i minung 10 hliam an tuar tiah mizapi vengtu ralkap phu Mataya(မတ်တရာ) nih cathanh an chuah.

Nizaan April 3, zaanlei suimilam 4:3 ah Mandalay ramthen Mataya (မတ္တရာ) nichuahlei hmunhma cu zohfelnak le thianhhliamhnak kan tuah tiah rallam an sialnak hmunhma Mataya (မတ္တရာ) peng Tawnggan(တောင်ကန်) khuakomh Kin(ကင်း) khua nichuahlei Naga Pat(နဂါးပတ်) tlang pawngah SAC ralkap hna cu mizapi vengtu ralkap Mataya (မတ္တရာ) phu nih bomb an puahhnawh hna caah SAC ralkap 4 an thi i minung 10 leng hliamhma an tuar tiah pah-kah-phah Mataya(ပ.က.ဖ-မတ္တရာ) nih fehter.Crd;the chin post

Be the first to comment

Leave a Reply

Your email address will not be published.


*