NITHUM CHUNGAH MIZORAM, HNAHTHIAL AH A ZAAMMI LAIMI ZAT

Ni thum chung ah Chinmi minung 1,236 Mizoram, Hnahthial District ah an zaam. Myanmar ram Chin Ramkulh chung ah SAC mithat phu le CNA/CDF karlak kahdohnak ruang ah 2021 September 10 in September 13 tiang Mizoram, Hnahthial District ah a zaam mi Chinmi minung 1,236 an si cang tiah Hnahthial DC nih a taarlangh.

September thla chung i Mizoram ah a zaam mi telh lo in a hlan i a rak zaam cia mi ralzaam chung in ngakchia hna cu an umnak hmun le khua ah Mizoram Cozah nih sianginn kaiter ding in timhlamhnak a ngeihpiak hna i, atu hi sianginn zong an kai deng cang tiah kan theih. Chinmi an zaam tam cemnak hmun hi Mizoram Hnahthial District chung ah a si i, 2021 June thla chung khan a lut mi an um cang.

Hnahthial District chung ah June 30 tiang a zaam mi Chin Ralzaam hna hi an dihlak ah minung 633 an si i, September thla chung ah minung 908 an lutchap. Myanmar ram buainak a chuah ka in nihin tiang Mizoram, Hnahthial District chung ah a zaam mi Chinmi hna hi an dihlak ah minung 1,541 an si i, Thingsai khua ahhin a zaam mi minung 720 in a tam cem an si. Thingsai khua chung ah ralzaam umnak ca ah tiin khuami le zatlang phu hna i bawm in ralzaam umnak ca tiin sang thar zong an samh i electric mei tiang free in an hmanter hna tiah thawng kan theih. The Hakha Post

Thawngpang dang: Breaking News: Tu zaan suimilam 8:30PM hrawng ah Chinram khualipi Hakha ah Meithal kahnak thawngpang, Meithal puah thawng theih cuahmah a si tiah khuami pakhat nih Chinland Guardian sin ah a chim. Meithal puahnak le kahnak thawngpang hi Hakha Dawrthar hrawng ah a si, nain a hmun taktak fiang in theih khawh a si rih lo tiah Chinland Guardian nih cun a langhter.Caan sau a rauh hlan thil a can tlawmpal lila zaan suimilam 8:40PM hrawng zong ah khan Rungtlang Ralkap Sakhan hram lei in Bomb puah thawng kan theih tthan tiah Hakha um mi pakhat nih cun a chim tthan.

Tuzaan thawngpang ruang ah Hakha mipi cu thinphang ngai in an um tthan lai, faak pi in thlacam nak in bawm hna usih. In Chin State’s Hakha the gunshot was heard at around 8:30 pm tonight, according to local residents from New Bazaar Ward, adding that the exact place of the firefight is still unknown. Update at 8:40 – Another loud explosion was also heard from (the side of ) Mt. Rung (the SAC Military Tactical Command/LIB 266 base), according to local residents.

Be the first to comment

Leave a Reply

Your email address will not be published.


*