NGAIH A CHIA IN LUNG A FAK KO. MINDAT RALZAM A THIMI AN TAM CANG

Mindat ralzaam sining cu lungfak in ngaih a chia ko. Atu hi Ralzam minung pasarih renglo an nunnak aliam cang. Chinram Mindat ah ralzam pawl hna a zohkhanhtu sibawi an um lo caah minung pasarih nak tlawmlo an nunnak aliam cang tiah theih asi. Mindat ralzam hna cu atu hi sii ai lei an chanbau cang. Khuachung ah sii cawk ah a kalmi minung panga zong ralhrang kawlralkap hna nih an tlaih cang hna tiah an langhter chih.

Mindat ralzaam a zohkhanhtu hi sibawi hi minung pathum cu an um ko. Sihmanhsehlaw an i daih bak lo. Cu lawng siloin sii le ai hman dingmi zong an ngei lo tiah thanhnak an tuah. Mindat ralzaam chungin kum upa a simi pakhat a thih hnu ah nau angei dingmi nu pakhat zong sibawi te an um lo ruangah a nunnak aliam tthan.

May be an image of one or more people, people standing and road

Hi konghe pehtlaiin tuan deuh zongah hngakchia pakhat zong a pawfah ruangah a nunnak aliam. Atu tiang Mindat ralzaam chungin a nunnak aliammi cazin an lakmi chungah minung pasarih an nunnak aliam cang i, hinak in a nunnak aliammi hi an si cang lai tiah an chim. An thihnak a ruang bik cu sii a um lo ruangah a si ko tiah ralzaam a zohkhanhtu pakhat nih a chim.

May be an image of one or more people, people standing, tree and outdoors

Furpi tlak lei a si tikah ruah a sur lengmang i, ralzaam pawl hna cu kihtlaih in a zawmi an tam hna. Atuhi sii le ai in zohkhanh an herhtuk lio caan a si. Mindat ralzaam hna cu khuate aw tthenkhat um hmun an khuar hna i, tthenkhat cu ramtang tiva le horkuang ah an um hna. Hi chungah hngakchia nutar putar le nau pawi tiangin an um hna tiah theih a si.

May be an image of standing, tree and outdoors

Thawngpang dang: UN nih kawlram sin ah hriamnam zuar lo dingin biachahnak an tuahmi cu Ralhrang kawlralkap an celh ruam lo. UN sin ah an lungtlin lonak an langhter. Ralhrang kawlralkap nih thanhnak ca an chuahmi cu june 18 ah tuahmi UN palai ton biaruahnak ah Lichtenstein ram nih an chuahpi mi The Situation in Myanmar timi kong cu mipi vote hmangin biachahnak an tuah.

Hi bantuk cu khat lei lawng ttanh in pomning hmanlo in a chuakmi asi i, zapi hnatlaknak zeihmanh a um lo caah UN nih biachahnak an tuahmi cu kan cohlang lo i, an biachahnak kan dohkalh. Kan cohlan lonak le kan dohkalhnak cu UN ah ramdang vuanci hmang in kan kuat cang. UN meeting ah kawlram leirawitu le a rian in kan chuahmi U Kyaw Moe Htun aa tel.

Cun ceihkhanmi cung zongah kawlram aiawh in vote a pek. Ram aiawh in vote apek mi hi a hmanlo mi a si. Curuangah biaceihmi ah vote a pek mi cu kan cohlang lo, kan dohkalh bak. Atu lio kawlram dirhmun buainak ah vawleipi nih zawnruah cu a hau. Asinain ramchung buainak linhsatter ding phung in cawlcangh timh cu zeitik hmanh ah kan cohlang lai lo.

Kawlram cu ram nih angaih mi ramdang phung le lam he daihnak siseh, ramdang he i pehtlaihnak hna cu kan humhhim i, hmailei ah rampi daihnak a um khawhnak dingah hmai lei panh in kan i zuam ko lai tiah an langhter. Atu bantukin ralhrang kawlralkap hna nih UN biachahnak an tuahmi cungah an lungtlin lonak an langhternak a ruang bik cu UN nih kawlram sin ah hriamnam zuar lo an timi ruangah a si.

Be the first to comment

Leave a Reply

Your email address will not be published.


*