MINDAT AH UN BAWMHNAK A PHANMI KONG RALHRANG NIH NAWL AN CHUAH HOI

UNHCR Nih Mindat Khua Ralzaam Caah Hlutmi Thilri Cheukhat A Kir Than Lai Nizaan ah Mindat khua ah a phan mi UNCHR bawmhnak thilri hna cu ralhrang rallokap nih khuachung um ralzaam ca lawng ah pekding in nawl an pek hna i, khuate lei ralzaam cu peknak nawl an pek hna lo caah Bawmhnak a phanmi thilri cheukhat cu an kir pi lai tiah khuami hna sin in theih a si.

July 19, Mindat khua ah a phan mi UNCHR bawmhnak thilri pawl cu , rallokap he pehtlaih in a phan mi a si ko nain ralhrang rallokap phu hna nih ralzaam tlawmpal lawng phawtnak nawl an pek hna caah a tang mi thilri vialte cu kirpi ding an si. Atu i a lut mi hi kan mah he a pehtlai mi a si lo, SAC nih lutko seh tiah an ti zat ning in a lut mi a si” tiah Mindat ralzaam sakhan in rian ngeitu pakhat nih a chim.

Mindat khua chungah ralzaam umhmun khuarnak sakhan 8 a um nain, minung cun 299 hrawng an si, a dang ralzaam a thong leng cu khuate lei ,ramlak ah tambik a zaam mi an si tiah theih a si.Inn ah a kir mi ralzaam hna le khuate lei a zaam mi hna cu pek an si lo tiah ralhrang rallokap lei nih an ti hna caah thilri cu kirpi si lai ” tiah kan theih tiah Mindat khua mi pakhat nih a Facebook ah a langhter.

Mindat peng khuate lei ralzaam hna caah eidin le sii ai emergency in a herh caah ICRC le WFP tibantuk phu hna cu i pehtlai in bawmhchanhnak ah pehtlai in bawmhnak an pek ko hna na in ralhrang rallokap phu hna nih an lung tlin lo caah an lut kho lo tiah ralzaam lei in rianngei pakhat nih a chim.

Rallokap nih ramkip he pehtlaihnak phu ,bawmhnak pek cu a phih lawng si lo in ramchung zong ah Mindat peng chung lutmi zong rikhiah nak a tuah. Facang zong an mah rallokap nawl onhnak lawng in phorh a ngah, nawl onh nak tel lo le rikhiah piak mi nak tam an phorh ahcun an lak piak hna. Sii ai hrim cu phorh nak nawl a um lo , an tlaih colh” tiah khuami pakhat nih a chim. TCP

Thawngpang dang:Thiamsang hna nih Kawlram dirhmun kong an chimmi cu zaang araam ko. Kawlram minung 55million chungah a cheuchum cu zarhthum chungah Covid zawtnak thar Alpha maw Delta an ngei lai i, a tlawmbik 10 million in 15 million tiang an thi khomi a si tiah thiamsang hna nih an tuakning cu ASIA TIMES nih a langhter. Kawlram minung 55 million chungah a cheuchum hi zawtnak thar an ngei lai tiah Public health expert hna nih an chim.

Kawrlam chungah covid zawtnak a vun dongh tik ahcun ramchung minung 10 million in 15 million hrawng hi an nunnak a liam lai tiah an tuakning a si. Cun kawlram chungah Healthcare system a rawhral ning siseh ralhrang hna nih mipi ngandamnak lei zawn an ruah loning le Oxygen tiangin mipi an khammi hna ko vialte siseh. CDM atuahmi hna an dirhmun le Ramchung ah ralhrang kawlralkap uknak lakmi a dohmi vialte hna tiangin an langhter chih rih.

Hibantukin kawlram dirhmun alanghter mi hi kawlram kongah kum 30 chung dottletnak atuah cangmi Associate Professor Mary P Callahan asi i, amah hi USA i, Washington University, Henry M.Jackson School of International Studies ah International Research Department-a Associate Professor asi.Culawng siloin a liamcia kum 2015 in kum 2020 tiang Yangon ah khua a sami a si i, administration, election, politics, business le peace process adangdang ah ruahnak petu adviser rian a ttuan peng mi zong a si.

Be the first to comment

Leave a Reply

Your email address will not be published.


*