LAIMI CAAH THAWNGPANG TTHA TAKTAK, HAKHA AH THILRI A PHAN CANG

Hakha Oxygen Seh Thilri Tlamtling tein an Phan Cang. Hakha Township Public Healthcare (HTPH) tawlrelnak in ramchung le ramleng Laimi hna i bawm in an cawkmi Oxygen seh thilri pawl cu Hakha ah tluang tein a phan cang, tiah kan theih. Hakha ah a phanmi Oxygen seh cu nihin zinglei ah HTPH hruaitu upa hna nih tlacamnak he Pathian sin apnak zong an tuah.Hakha Oxygen sehzung cu ting 3,600 MMK dih in sersiam timh a si i, a seh hunnak hmunhma le meiseh (generator) tibantuk zong Pu Thawn Kian te chungkhar nih an tawlrel tiah thawng kan theih.The Chin Journal

No photo description available.

Thawngpang dang:PDF vialte rak i ap dih uh nan i ap lo a si ahcun nan ci hmih dih nan si lai tiah hrocernak bia an tar cang. People Defense Force PDF hna cu nan hriamnam chia ulaw, rak i pe cang uh. Cun PDF pawl hriamtlai pawl an cawlcangh ning vialte rak thanh uh timi hrocernak ca cu atuhi Yangon Township hmun tthenkhat ah an langhter tiah social media cahmai ah an tar langh.

Mah ca an langhtermi or an tarmi ahcun People Defense Force pawl nan hriamnam chia ulaw rak i ap uh. Nan rak i ap lo a si ahcun nan ci hmih dih nan si lai tiah an tial i, mah cu pawl PDF hrocernak ca hna cu Electric hna ah an tar hna. Culawng siloin NLD Party nih hin kum 2020 thimnak ah vote an fir i an suaksam. Zertian in thil an tuah ruangah atu ahcun vote fir party an si cang.

A dir kho ti ding zong an si ti lo. Cucaah cun rem le hnangam tein um a duhmi Mipi vialte hna people defense force ralkap konglam report tuah hna ulaw an konglam a rak chimphuangtu hna cu laksawng pek nan si lai tiah an langhter chih tthan. Hi konghe pehtlaiin nizan tihni ralhrang kawlralkap meeting an tuah lio ah lutlai tthenkhat hna nih Min Aung Hlaing sin ah Dalan pawl hi laksawng pek hna ding an si tiah halnak an tuah.

Be the first to comment

Leave a Reply

Your email address will not be published.


*