KPDF HRUAITU LE CDF HRUAITU NIH NUG COZAH SIN AN LUNGDUH AN PHUAN

Ralhrang kawlralkap tambik a thattu KPDF le CDF nih NUG cozah sin ah an duhnak bia an chim cang. Kareni People Defense Force ah hruaitu lutlai pakhat nih a timi cu NUG nih rampum huap in tukdohnak kan thanh lai tiah an timi hi kan caah ahcun thaazaang aa kan pek ngaingai. Cu thil cu kanmah KPDF lei nih cun rianrang tein thanh colh hna seh ti kan duh. Cuti an tuah ahcun ralhrang nih kanmah lawng dohlo in an thaazaang an i tthek lai i, fawitein ralhrang kan doh khawh hna lai tiah a chim.

Hi konghe pehtlaiin tthiamtthiam in Mindat CDF hruaitu lutlai pakhat nih a chim ve rih mi cu NUG cozah nih ram pumpi huap in tukdohnak hi phuang in thanh colh sehlaw kan caah fawitein thaw kan chuah kho lai. Ram pi huap in ralhrang kawlralkap doh ding caan cu kan i ngeih hringhran ko tiah a chim. KPDF le Mindat-CDF hi ralhrang kawlralkap tam bik a thattu an si tiah an chim.

Pasal Tha CDF-Mindat Nih Cun Mindat Khuapi In Ralhrang Minung Sawmriat Le  Pa Riat An Dawi Bak Ko Hna – Chin Miphun Tlangau

Kan hnu zarh ah NUG cozah nih thanhnak an rak tuahmi cu ram pumpi huap in tukdohnak tuah caan cu kan thanh te lai tiah an rak ti. NUG cozah nih thanhnak an rak tuah mi cu a cunglei langhter mi KPDF le CDF hna nih rianrang in rak kan thanh piak hna seh tiah an duhnak bia an langhter. Acunglei langhter bangin ralhrang kawlralkap he biatak tein aa phomh mi cu KPDF le CDF hi an si.

Karenni resistance fighters open new front against junta | Myanmar NOW

Thawngpang dang:Thantlang CDF le Hakha CDF nih ralhrang kawlralkap minung 27 an kahthah hna. Nizan June ni 10 ah Thantlang CDF le ralhrang kawlralkap hna cu zinglei suimilam pahra hrawngah Khualhringtlang chungah i kahdohnak a chuak. Cun nizan June Ni 10 thiamthiam ah ralhrang kawlralkap le Hakha CDF hna cu zanlei suimilam pathum hrawngah kahdohnak a chuak.

 

Hmun hnih i kahdohnak ah ralhrang kawlralkap lei in minung 27 an nunnak a liam. Thantlang CDF le ralhrang kawlralkap i kahdohnak ah ralhrang kawlralkap lei in minung 17 an nunnak a liam i, a nunnak a liammi chungah ralhrang kawlralkap bawi pakhat Bokyi zong aa tel. Thantlang CDF lei in a nunnak liammi le hliam a tuarmi an um lo tiah Thantlang CDF hna nih thawng thanhnak an tuah.

 

Cun nizan June ni 10 tthiamtthiam ah Ralhrang kawlralkap hna le Hakha CDF hna cu zanlei suimilam pathum hrawng ah Hakha le Gangaw karlak ah i tukdoh kahnak a chuak i, Ralhrang kawlralkap lei in minung 10 an nunnak a liam tiah Hakha CDF lei nih thanhnak an tuah. I kahdohnak ah Hakha CDF lei in hliam a tuarmi le nunnak aliammi an um lo tiah tiah an langhter chih.

Be the first to comment

Leave a Reply

Your email address will not be published.


*