KIA KONG HI THAWNGPANG TTHA A SI MAW? TULUK A CAWLCANG

Taluk cozah nih an ram ah Myanmar lei in covid zawtnak a karhmi a luh lonak dingah tiin Taluk-Myammar ramri ah hmunhma a khuarmi KIA sinah covid khamnak sii thonghra (10000) a bawmh hna tiah theih a si.Kan theih cio bantukin Myanmar cu nikhat hnu nikhat in covid zawtnak a karh chin lengmang. A thimi zong an tam chin lengmang. Siibawi le siizung lei riantuantu tampi CDM ah an luh caah siizung ah zohkhenhtu an um huaha ti lo.

Khatlei in ralhrang nih mipi zohkhenhnak tha tein an tuah lo piin hnahnawhnak an tuah lengmang fawn. Atu bantukin dirhmun ah Taluk sinah bawmhnak kan hal i ramri ah a ummi Yunan peng nawlngeitu hna sin in KIA bawmhnak an kan pekmi a si tiah KIA lei in chimnak nawlngeitu Bohmuci Naw Bo nih AFP ah a chim. Hi covid khamnak sii 10000 chungah cheukhat cu tangka pek in cawkmi a si i tam deuh cu a bawmh in bawmhmi a si tiah Bohmuci Naw Bo nih cun a chim.

Taluk cozah nih a thanhning ah Taluk ramchung dihlak ah covid zawtnak aa chawnh tharmi 57 an si. Mining 57 chungah 15 cu Myanmar ramri khua a simi Shweli ah a ummi an si i 1 chungah 12 hi Myanmar rammi an si tiah theih a si. A liamca cawn nili ni ah Taluk nih ralhrang bu sin covid khamnak sii an bawmhmi 736,000 cu Rangon a phan cang. Hi zong hi Taluk-Myanmar ramri ah a ummi hna kha papek in an chunh hna lai tiah theih a si.

A sullam cu Taluk nih ralhrang bu sinah siseh KIA sinah siseh covid khamnak sii bawmhnak a pekmi cu Myanmar rammi hna an zawnruah caah si loin Myanmar in Taluk nih covid zawtnak thar a luh chinchin lonak dingah a si. Covid a chuahnak Taluk nih an ram ah covid a luh ding an phang tuk tinak a si cu! Credit: The Chin Post.

Thawngpang dang:Yangon mipi an i hngilh hnu ah mithi ruak tamtuk an phum hna tiah thanhnak an tuah. Yangon khuapi Yiwei le Thein Pin thlaanmual ah khoika mi ruak dah asi timi theih lomi ruak tampi hna cu vawlei phur motor ngan in an thir hna i, mipi an i hngilh hnu a kin lio ah an phum tawn hna tiah Thlaanmual pawngah a ummi pakhat nih thawngthanhnak a tuah.

A thimi ruak pawl hi phungning tein khangh khawhmi an si lo ahcun Yiwei ah kangh dingmi ruak cu Thein Pin ah siseh Thein pin i, ruak cu Yiwei ah maw an rak phurhmi zong a si kho i, Motor ngan mi in ruak hi phurh a si caah mi ruak pawl hi theihpinak tuahmi a si maw si lo timi zong theih a har ngaingai.

Zantlai hnu ah hin motor pahnih a rak ra i, a muih hnu minung an kin lio ah an rak phurh hna i, an khaang dih hna lo. Kan theihning ahcun Thein Pin thlaanmual ah an phum hna ti a si. Khangh dih thlu khawh asi lo. Zantlai zongah Yiwei thlaanmual ah ruak khangh ding tampi an um peng tiah a chim chih. July ni 10 thok in oxygen i deih lo ruangah a thimi an tam cang.

July ni 13 le ni 14 hna kha cu ruak khangh dingmi an tlar in an tlar hna. July ni 20 zongah Yangon Thlaanmual pali ah nikhat i ruak thong 1200 in 1300 hrawng khangh a si. Cun nizan ti awk zongah Yangon thlaanmual pali ah ruak an khangh mi hi thongkhat a si cang. Hi konghe pehtlaiin ralhrang lei nih biadik an chuah duh lo, a thimi nak tlawm peng in thanhnak an tuah ti asi.

Be the first to comment

Leave a Reply

Your email address will not be published.


*