KHUALHRING TLAANG THILCANG KONGHE PEHTLAIIN CDF HRUAITU PAKHAT NIH A CHIMMI

Khualhringtlang Ralzam konghe pehtlaiin Chinland Defense Force hruaitu pakhat nih RFA thawngzamhnak ah thanhnak a tuah. June ni 10 le June 11 ah ralhrang kawlralkap le Thantlang Chinland Defense Force hna cu kahdohnak an tuah. Hi i kahnak ruangah khua pasarih chungin minung thonghra renglo hna cu a himnak hmun ah an zam hna.

Hi konghe pehtlaiin CDF hruaitu pakhat nih RFA thawngzamhnak ah a chimmi cu Khualhring tlaang chungin khua pasarih ah a ummi minung thonghra renglo hna cu a himnak hmun, Thantlang lei ah an zam hna tiah a chim. A hramthok ahcun ralzam hna hi an himnak dingah Thantlang ah zaam dingin khua 7 hna cu kan chimh dih hna i, a zan lila ah tampi an zam hna, Cuticun Kanmah CDF nih ralhrang pawl cu biatak tein kan doh ve hna.

Atu rih ahcun thawngpang a dai deuh ngai cang. Asinain Khualhring Tlaang chung khua karlak ahcun thawngpang a um pah lengmang ko tiah a chim.Hi konghe pehtlaiin Hakha le Matupi kar kahdohnak ruangah khuami minung thongruk renglo hna zong ram tangah an zam hna tiah CDF chungtel pakhat nih a chim chih, Ralzam hna dirhmun zawn ruah ahauh caah caan karlak cu ngol rih zong kan duh ngai ko. Aruang cu ralzam hna zohkhanh hi a biapi deuh tiah RFA a chim chih.

Hi konghe pehtlaiin Khualhringtlang chung i kahdohnak ah CDF lei nih thanhnak an rak tuahmi cu ralhrang kawlralkap minung 17 an nunnak a liam tiah an rak thanh. Hi chungah ralbawi pakhat zong ai tel tiah an rak langhter chih. Thantlang CDF le ralhrang kawlralkap an rak i kah ni thiamthiam ah Hakha CDF zong an rak i kap i, ralhrang kawlralkap minung 10 an nunnak arak liam i, nikhat ah ralhrang kawlralkap minung 27 an nunnak arak liam.

May be an image of one or more people, people standing, tree and outdoors

Thawngpang Dang:Lung afak ko Mindat ralzam kong thanhnak an tuah. Mindat ah hin ralzam minung thong 30 hrawng an um i, ralhrang kawlralkap hna nih lam an kham rih tiah a peh chap. Mindat khuapi ah minung thong 60 hrawng an um i, hi chungah kanmah lei hi minung thong 30 kan si. Hi hna bawmhchanhnak dingah hin WunMahtuu le SweAungta lam a um. WunMahtuu lei hi ralhrang kawlralkap nih lam an phih.

Cun SweAungta, lam hmunli a umnak zong an kham dih ruangah hruk eih thil cu chim lo ei le din taktak hmanh kan pe kho hna lo tiah bawmchantu pakhat nih a chim rih. Kan thisa khat hna an tuarnak hi afak hringhran ko. Atu lio hrawng le bang cu Chinram ah ruah a sur ngaingai tawn i, ei le din cu um rih seh umnak hmun hmanh tthatein an ngei lo. Kan dirhmun hi a harsa hringhran ko tiah ralzam chungin pakhat nih a chim.

Mindat khuapi in khua tthenkhat a zaammi hna cu ralhrang kawlralkap nih an dawi hna i, an kah hna, an luhhnawh hna i, hriamnam ngan in an kah rih hna. Nizan in ralzam umnak cu an luhhnawh tthan i khuachung ah a ummi le ramtang ah a ummi hna cu i chawn bia kho loin kan zaam peng ko, Atu le bang cu khoika dah kan zam than lai ti zong kan thei ti lo i, kan vaakvai ko tiah a zaammi chungin pakhat nih a chim rih.

Chinram ah ralzam minung thong 50 renglo an um hna i bawmhchanhnak lam ah ralhrang kawlralkap nih an kham hna. April thlathok in Chinram ah CDF le ralhrang kawlralkap hna cu kahdohnak an tuah. Curuangah umnak hmun zaamtaak in ralzam hi minung thong 50 an um tiah khuami le bawmchaantu hna nih an chim. Ralzam hna bawmhchanhnak ah hin ralhrang kawlralkap hna nih an kham hna i, ralzam umnak tiang an kah hna tiah RFA ah a chim chih.

Be the first to comment

Leave a Reply

Your email address will not be published.


*