KAN TEI HRIMHRIM LAI AN TI CANG, FIANGTEIN AN LANGHTER DIH

Kawlram mipi 85% nih tulio ramchung buainak ah teinak kan hmuh lai tiah an chim. Hi konghe pehtlaiin ramchung ramtthen le ramkulh 14 ah dottletnak an tuah hna i, zatuak 85% nih teinak kan hmuh lai tiah an chim. Hi lio caan ah zatuak 4.5% nih cun teinak kan co lai tiah kan zumh lo an ti ve. Cun 11.1% nih cun teinak kan hmuh ding le hmuh lo ding kan chim kho lo an ti.

Hi konghe pehtlaiin teinak kan hmuh lai tiah atimi hna cu zeiruangah dah teinak cu kan hmuh lai tiah biahalnak an tuah tthan hna. Lehnak an tuahmi hna cu ramchung buainak ah 42.2% hi cu mipi nawrnak in teinak kan hmuh lai. Cun 18.8% hi teinak thinlung angeimi an si ruang kan tei lai. 11.8% hi CRPH cawlcanghnak ruangah teinak kan hmuh lai.

Cun 13.3% hi CDM cawlcanghnak ruangah teinak kan hmuh lai. Cun 8.4% hi ramleng hna nih ralhrang kawlralkap an cohlan hna lo ruangah teinak kan hmuh lai. Culawng siloin 6% hi ramleng lei in cawlcanghnak an tuahmi ruangah tei nak kan hmuh lai. Cun 4.6% hi ramchung mino hna cawlcanghnak ruangah teinak kan hmuh lai i, 3.6% hi tlangcung mi hriamtlai cawlcanghnak ruangah kan tei lai.

Ahmanmi diknak ruangah 3.1% hi teinak kan hmuh lai i, Thawngzamhtu ruangah 2% hi teinak kan hmuh lai. Culawng siloin ralhrang kawlralkap pawl an derthawmtuk cang caah 1.2% hi teinak kan hmuh lai tiah lehnak an tuah hna. Tulio kawlram buainak ah hin ralhrang kawlralkap pawl hna hi mipi nih kan tei lai tiah nang na ruat maw? Credit:VP

Relchih: Moral of terrorists Burma army; Tukar hrawng hi US ralkap I special force I ralbawi pakhat he kan ichawn lengmang. Burma ram politics lei thil sining le ralkap cawlcangh ning kong kan iruah tawn. Zei ca tiah amah kha US cozah nih Burma ram tulio thil sining hi ngiat thlai ding le cozah sin ah thil sining report pek ding ah an fial mi asi caah asi. Bia tampi kan iruah mi ah tulio kawl ralkap kong achim mi pakhat;

Burma ralkap hi thinlung “Moral” lei in a niam bik an phak lio can asi. Raltuk an thiam lo nih dangkhat, raltuk duhnak thinlung an neih lo mi dangkhat ai phua. Atu lio KIA le KNLA nih an va nam mi camp poh fawite in an lak khawh dih mi nih hin thil sining tampi a langhter. Ralkap timi cu an hruaitu cung ah bochannak le zumhnak a um tilo hnu ah cun thinlung a zor “moral” atla I a rawk mi ralkap ah ai chuah tawn. Mah cu lam cu kawl ralkap hi a neih cuahmah mi an lo a ti. Credit: Salai Bawi Lian Mang.

 

Be the first to comment

Leave a Reply

Your email address will not be published.


*