KAN CHIN PALIK PAWL AN I SUM KHO TILO AN LANGHTER CANG HIH

Uar an um tuk hringhran. Ara laimi September ni 14 ah UN meeting ah NUG maw ralhrang kawlralkap cozah timi ah Chinmi Palek pawl nih an duhnak an langhter. Chinmi CDM Palek pawl nih ralhrang kan hnon, NUG kan pom, ti catar put in nihin August 20 ah Mizoram, Champhai ah cawlcanghnak an tuah.Hmaithla September 14 ah tuah dingmi UN Meeting ah NUG maw ralhrang dah Myanmar cozah ah biakhiahnak tuah a si lai.

May be an image of 14 people, people standing and outdoors

Relchih A Fiang Ngaingai. ACCEPT NUG, REJECT MILITARY timi National Unity Government (NUG) kan cohlan, Ralkap kan duhlo tiah langhternak “Facebook Profile Campaign” ah ramchung/ramleng mipi cawlcanghnak nih Ralkap thu thiam lo le um thiam lo in a tuah hna. Cucu, a ralaimi, September 14 ah United Nations (UN) 76nk tonpumhnak i biakhiahnak tuah ding mi a si caah a si. Ralhrang Ralkap rual nih an thim ding mi Kawlram aiawhtu UN Palai le nihin Kawlram mipi nih dirkamh mi NUG nih dah ram zumhawktlak tein rampi aiawh lai timi biakhiahnnak tuah ding mi a si. Ralkap maw duhmi maw, Mipi dah tikhi a si! Atu ah, NLD chan in hnatlaknak pek cia mi (Credential in) UN ah Ramkomh Kawlram palai a tuan liomi cu Kyaw Moe Tun a si.

Cucu, UN ah Palai tuannak nawl a ngeih mi a can a tlin cang, a dih cang. Cu a si caah September thla ah mizei hi dah, UN nih Ramkomh Kawlram aiawhtu “UN Palai” caah hnatlak in biakhiahnak a ngeihte lai timi hi Kawram pumpi minung lawng siloin vawleipi nih an cuanh lio mi a si.UN ah ram pakhat aiawhtu hi kum khat voikhat ah thlennak an tuah lengmang mi a si. Ram pakhat nih a aiawh thlahmi a thlen tawn ruang ah siseh, ram chung ah thlennak a um ruang ah siseh, UN nih zulhphung a ngeihmi chung in tutan ah kum khat voikhat thlennak an tuah dingmi ah Kawlram caah biakhiahnak an tuah ding mi a si.

Thilthar a si lem lo tinak! Hihi NUG le Ralkap karlak ah an cuh ding mi, a silo ah, phundang in chim ahcun Mipi nih dirpi mi le Ralkap karlak ah zuamcawhnak nganpi a si. Cucu, “Credential Challenge” tiah an ti i, mipi nih cawlcangnak pakhat ah “Facebook Profile” thlennak campaign in Online cawlcanghnak nithum chung tuah a si cang. Cu nithum chung ah Facebook Profile a thleng mi hi mipi Nuai 3 (million) tluk an phan manh cang tiah media tampi nih an thanh.Ralhrang Ralkap lei an thinphan tuk caah, atu bantukin Profile thlennak a tuahtu cu pohmah 505-A in tazacuai an si lai tiah nawl a chuah tiah social media ah siseh, thawngzamhnak ah hmuh a si.

Kawlram lemcang thiam le minthang minung 57 zong tlaih ding in thawng thanhnak a tuah. Asinain, Ralkap lei nih cun, zeihmanh fianternak an tuah rih lo i a zizutnak zong a tuah rih lo. Cucaah, mah profile campaign hi ralhrang dohnak caah hriamnam pakhat a si tiah ti khawh a si ve. September ah tuan ding mi UN tonpumhnak ah, thil a cang kho mi phun li a um tiah thiamsang nih an ti. Cucu, UN nih NUG a cohlan. UN nih Ralkap a cohlan. UN nih biachahnak a tuah lo, atulio Palai nih pehzulh seh tiah biakhiah.UN nih hohmanh cohlan veve hna lo. UN tonpumnak ah Kawlram thutnak hnon. UN nih NUG Cohlan: A pakhatnak NUG cohlan hi a si kho mi a si ko. Asinain, NUG a cohlan ruang ah, R-2-P a ra lai tinak a si lo.

UN Tompumhnak (UN General Assembly) ah NUG nih Palai a ngeih lai. Atulio Kyaw Moe Tun a um bantuk khi a si. Feb. thla chung ah, Kyaw Moe Tun cu Ralkap nih a rian kan phuah, Ram rawiphirtu a si tiah US cozah sin ah, Kawlram kuat than ding in an rak hal mi a si. Hihi NUG cohlan a si khawhnak pakhat tiah ruahmi cu 1991 ah UNGA nih Ralkap cohlan lonak a rak tuah bal. Cucu, Haiti ram tuanbia in hmuh khawh a si. UN nih Ralkap Cohlan: A pahnihnak UN nih Ralkap a cohlan lai timi zong a si kho thiamthiam mi a si. Asinain, UN nih Ralkap a cohlan ahcun, NUG nih palai a ngei tilai lo, Kyaw Moe Tun kha Ralkap nih rian pek thar mi nih a thlen lai.

Hihi UNGA nih biakhihnak a tuah khawhnak ding caah UN Credential Committee (UN CC) sin in ruahnak a lak lai. UN CC hi chungtel ram 9 an um, anmah nih an caih hmasa hnu ah biakhiahnak tuah a si hnga. Cucaah, Ralkap an cohlan ding mi hi cu a har ngai mi dirhmun a si. Atu ning in kal: A pathumnak UN nih zeihmanh biakhiahnak tuan lo in, atulio sining in kal rih ko seh a ti ahcun, Kyaw Moe Tun nih Palai a tuan rih lai. Cucu, UN nih deffered (thawnnak) a tuah mi a si hnga. Hihi 1997 ah UNGA nih Afghanistan kong ah an rak tuah bal mi a si. Ahohmanh cohlan lo: A palinak ah UN nih ahohmanh Palai a cohlang lo, cucu “empty seat” an ti i, UN ah Kawlram palai ngeih lo a si.

UNGA (tonpumhnak pi ah) Ramkomh Kawlram thutnak cu hnon a si lai i, a lawng lai. Cucu, UN Charter nawl buar ruang ah tiah tuah khawh mi a si. Hihi UN nih a rak tuah bal ve thiamthiam mi a si. Cucu, South Africa kongkau rak caih lio ah, UNGA nih hohmanh cohlannak a rak tuah lo, Minak le Mirang thleidannak a tuahtu cozah siseh, Minak lei in a cawlcang mi phu zong a rak cohlan hna lo. Hihi UN nih September thla chung ah biakhiahnak tuan lo in, December 2021 tiang a thawn khawh mi a si.

Ralhrang thimmi UN palai cu mipi nih a cohlan lo i Mipi le NUG nih a thimmi Kyaw Moe Tun cu thim than ding in mah profile campaign tuahnak a si. Cun, NUG zong mipi nih kan cohlan timi cawlcanghnak a langhter chih. Kan hnu lei ah Union Minister Dr. Zaw Wai Soe nih zeitindah a chim ti ah cun; Kawlram mipi le ral a do peng mi mi raltha hna, kan upatuk hna i ka lung zong a lawm tuk.

Kan zapi tein lungkhat, thinkhat, ruatnak khat in Ralkap kan do tti hna a si i kan za tein kan lung zong a rual dih cang ko. Ramchung ramleng tang loin Kawlram mi a si mi poah nih thinlung, ruatnak khat in kan um, kan tang tti hi atu ka voikhat hmuh a si. Curuang ah Ralkap hi cu, hi kan vawlei kan ram chung in kan thianh dih khawh hrimhrim hna lai tihi ka hmuh mi a si. Hi Kawl Ralkap pawl thianh khawh nak ding caah kan i timh lio a si tiah a chim.

Kan hnu ah US ram, New York ah Ambassador Kyaw Moe Tun thah ding in an hlan mi hna Kawl rammi pahnih cu August 5 ah FBI nih an tlaih hna i Westchester biaceih zung ah taza an cuai hna, tiah The Washington Post nih a ttial. U Kyaw Moe Tun thah ding in (asiloah) fahnak fakpi pek ding in an hlanmi hna minung pahnih cu Phyo Hein Htut, kum 28, le Ye Hein Zaw, kum 20, an si, tiah Westchester biaceih zung ah chuahpimi record ning in theih a si.

Myanmar ram aiawhtu UN palai U Kyaw Moe Tun nih, “Atu bantuk in ka nun himnak caah dinh caan ngei lo in a cawlcaangmi palek, FBI, le US cozah, Ambassador Linda (UN Security Council) palai riantuannak le UN Security chungtel vialte cung ah lunglawmhnak tampi ka ngei,” tiah Twitter ah a tial. Catialtu: Salai Bawi Lian Sang. Laknak. TCP

Be the first to comment

Leave a Reply

Your email address will not be published.


*