KAN CHIN PALIK CDM A TUAHMI VUN ZOH AHCUN LUNG A FAK KO

Chuah semnak Chinram ah chungkhar tling he nuam tein ram le miphun caah rian a ttuanmi kan Chin palik pawl hna cu ralhrang kawlralkap ruangah ah mi ramdang ah cement le rawra nawng in an pumpaw cawmnak caah rian an ttuan cang ee. Zeitluk in dah hibantuk rianttuan hi an caah a har hnga mu.. Chinram an rak um lio ah khan cun hi bantuk rian cu an rak ttuan ballo ee.

May be an image of outdoors

Ralhrang kawlralkap uknak hitluk in an doh cuahmah lio ah kan Chinmi tthenkhat pawl ralhrang kawlralkap kuttangah rian attuan ko rihmi an um rih mi tuak tikah thinlung nih a celh hrimhrim lo. Kan Chin palik CDM atuahmi hna cu ralhrang kawlralkap kuttang i rianttuan nak cun tiah an hngakchiat tein an ttuan ballomi rian cement le rawra nawng in nifatin hlawhfa an i thim deuh ee.

May be an image of one or more people and outdoors

Chungkhar ca nak in hmailei kan miphun le ram ca, kan te chin fapar chan tiang dirhmun cuan in, retheih thilrit zaangba tu an i thimmi zoh tikah upat lo awk an ttha lo. Hi thawngpang hi ralhrang kawlralkap kuttangah rian a ttuanmi hna nih nan hmuh tikah zeitin dah nan um ve hnga? An hmai tel nan zoh ngam hna maw? An ruah ning le nan ruahning a cuai nan tlai te ttheu ko lai dah.

May be an image of outdoors

Atu a cunglei kan rak langhtermi hmanthlak pawl hi ralhrang kawlralkap kuttang ah rian ttuan a duh lomi le ralhrang kawlralkap uknak a dohmi, Kan Chin palik tthenkhat an si. A himnak hmun ah a ummi an si. Ralhrang kawlralkap kuttang ah rianttuan nak cun kan thih le thih, kan nun le nun tiin an rian vialte an kaltaak i, ralhrang khuakhan lairelnak a dohmi an si. Hmanthlak. Zalen

May be an image of 1 person and outdoors

Thawngpang dang: Tuzing i kahdohnak ah ralhrang kawlralkap lei in minung pariat an nunnak a liam pin ah hriamnam tthen khat zong an lak piak rih hna. Tuzing ah ralhrang kawlralkap le MNDAA hriamtlai hna cu zingah Mungku ah i kahnak a chuak i, ralhrang kawlralkap lei in minung pariat an nunnak a liam tiah tuzing an i kahnak konghe pehtlaiin MNDAA lei nih an thanh.

Mungku khua ah tuzing september nikhat zingka suimilam pakua le minute paruk ah MNDAA le ralhrang kawlralkap hna cu an i kap. Ralhrang kawlralkap lei in minung 8 an thi, hriamnam tthenkhat an lakpiak rih hna tiah theih a si. Asinain MNDAA hriamtlai lei in minung pathum hliamhma a tuarmi an um tiah an langhter chih.

Be the first to comment

Leave a Reply

Your email address will not be published.


*