KALAY PDF NIH RALHRANG KAWLRALKAP MINUNG 25 AN KAHTHAH HNA

Kalay PDF nih ralhrang kawlralkap minung pariat an kahthah tthan hna. Kalay PDF le ralhrang kawlralkap hna cu nihnih chung an i kap. A ni hnihnak an i kahnak ah ralhrang kawlralkap minung pariat an thah tthan hna. Hi konghe pehtlaiin Kalay PDF lei nih thanhnak an tuah mi cu Kalaymyo thlanglei Ashae Sae pawngah umhmun a khuarmi ralhrang kawlralkap le PDF cu July 16 zing suimilam panga ah kahnak achuak.

Kahdohnak ah Kalay PDF nih ralhrang kawlralkap minung pariat kan thah hna i, ralhrang kawlralkap lei nih hriamnam ngan an hman caah Kalay PDF lei in hliamhma a tuarmi hi minung paruk hrawng kan um. Asinain an hliamhma hi afaktuk lo. Ralhrang kawlralkap hna nih Kalaymyo thlanglei lak an timhmi hi Kalay PDF nih kan kham peng hna lai caah Kalay le Kankaw karlak motor akalmi hna ralring tein um uh tiah ralrinnak an tuah chih hna.

Ralhrang kawlralkap le Kalay PDF a nikhatnak an i kah ah ralhrang kawlralkap lei in minung 17 an nunnak arak liam. Kalay PDF lei in minung pahnih an nunnak aliam ve. Cun mipi sawhsawh minung pahnih an nunnak aliam tiah thanhnak an rak tuah. Ani hnihnak nizan i kadohnak ah ralhrang lei pariat an thi tthan i, nihnih chung i kahdohnak ah ralhrang 25 an nunnak a liam. kahdohnak ruangah Ashae Sae le Dow Nwe cun Tinta, Kyauk Pho khuami minung thongthum hrawnghrang hna cu khua ah um ngam tiloin a himnak hmun ah an zaam hna tiah an langhter.

Thawngpang dang: Lai Chiat-that Bu, Yangon President ah NC Thawng Tha Thang an thim. Yangon hrambunh Lai Chiat-that Bu (LCB, Ygn) hruaitu thar thimnak cu July 16, 2021 ah an tuah i President ah Rev. NC Thawng Tha Thang an thim tiah theih a si. Rev. Thawng Tha Thang cu kan Chinmi mino lak ah arfi bantuk in kan i zohthla cio mi a si bantuk in kum note hmanh sisehlaw Lai Chiat-that Bu nih rian an khinh mi hi kan miphun dihlak caah riantha a tuan khawh lai i thathnemnak tampi a chuahpi khawh kai ti kan zumh ko, tiah Yangon khuasa upa pakhat nih a chim. Rev. NC Thawng Tha Thang cu ralzaam ruang ah miphun harnak a tongmi si hna seh, COVID-19 pulrai ruang ah Rangoon in a zawmi si hna seh, biatak chuah in a cawlcang cuahmah mi a si.

Rev. NC Thawng Tha Thang nih rian dangdang a tlaih lio mi hna, Believers Church Myanmar ah General Secretary le Chinland Football Club ah President a tuan liomi a si. Myanmar Football Federation (MFF) 2020 Congress thimnak ah a lut i teinak a hmuh hnu in MFF ah Executive Council member rian a tlai. MFF EC member a sinak in MFF nih rian an pek mi hna cu Infrastructure Development Committee chungtel, Youth Development Committee chungtel le Referee Committee chungtel rian hna an si. 2018 Russia i rak tuah mi FIFA world cup zong ah Myanmar ram MFF ai-awh in thlah mi ah a rak i tel.

Hi rian hna pin ah Chin miphun huap in siseh, Myanmar ram huap zong in siseh, rian lianngan tampi a tlaihchih hna. Atulio ah rian dang a tlaih cuahmah mi hna cu 2010 kum thok in Gospel for Asia (GFA) ah Vice President le Believer Church Theological Seminary ah Vice President hna an si. 2014 kum thok in Myanmar Christian Youth Alliance ah Patron, 2016 kum thok in Myanmar Theological Student Council ah President, 2017 kum ah Myanmar Evangelical Christian Alliance Literature and Publication Commission Director, 2018 ah Myanmar Evangelical Christian Alliance Mission Director a tuan hnu ah 2019 kum thok in Myanmar Evangelical Christian Alliance (MECA) ah Associate General Secretary ah thim than a si.

2019 kum thok in Chin Public Company ah Board of Director le kum 2019 thawk in Chin Ethnic Entrepreneur Association (CEEA) ah Ruahnakpetu (advisor) zong a tuanchih. Cu hlan ah a rak tlaih bal mi rian hna cu 2005 in 2010 kum tiang Believers Church Myanmar National Council ah ah Mission Assistant Director le 2017 in 2019 kum tiang Believers Church Theological Seminary ah Principal hna an si. Hi bantuk rian lianngan pin ah ngakchia harsa zohkhenhnak le fimcawnnak lei zong ah rian tampi a tuan mi a si. 2009 kum ah Bridge of Hope timi Ngakchia Zohkhenhnak Bu a rak thokpi hna i, ralkap uknak chan lio i sianginn kainak caah chawva lei harsatnak a ngei mi ngakchia hna Chin Ramkulh in minung 800 le Chin ramleng (Myanmar ramchung) in ngakchia 400 (an dihlak 1200) hna cu kum 10 chung bawmhnak an pek hna.

Atu ramkheel lei dirhmun a that hnu in fimcawnnak lei kan miphun hawi hna an tikhawhtawk bawmchan rih ding in a pa Bishop CK No Chhum he Myanmar Flower International School (Yangon), le Chinland Flower Private School (Thantlang) an dirh. Lai Chiat-that Bu 2021 – 2023 kum Hruaitu Upa Hna 1. Chairman- NC Thawng Tha Thang, 2. Vice Chairman (1) Rev. Dr. Peter Za Hlun Thang, 3. Vice Chairman (2) – Pu Lian Iap, 4. Secretary – Pu Peng Hu, 5. Asst. Secretary – Sm Mang Hnem, 5. Ngunkeng – Pu Cia Hmung, 6. Ngunkeng Bawmtu – Pu Lian Hrang. EC Member hna 7. Pu Wilhelm, 8. Pu Biak Cung Mang, 9. Dr. Thawng Kung, 10. Capt. Benjamin, 11. Pu Lian Mang, 12. Rev. Dr. Lal Awi Sang, 13. Pu Chiah Kio, 14. Pu Hram Hlei. Hleinganak. Pu Siang Hup, 16. Pu Ro Bin, 17. Pu Thla Hngak, 18. Pu Ca Kung, 19. Pu Zung Mang, 20. Pu Chan Thawng, 21. Pu Tial Bik, 22. Pu Pheng Mang, 23. Sm Ngun Sui, 24. Rev. Kep Lian Thang, 25. Rev. Dr Peter Ngun Za Cung. Ruahnakpetu (Advisory Board) 1. Pu Tial Ling, 2. Pu Ceu Hlei Lian, 3. Pu Bawi Cung, 4. Dr. Sui Hingz, 5. Rev. Dr. James Lian Sai, 6. Bishop Dr. CK No Chhum, 7. Rev. Dr. JP Biak Tin Sang, 8. Rev. Bil Hmung, 9. Rev. Thla UK, 10. Rev. Dr. John Siam Lian hna an si, tiah kan theih.

Be the first to comment

Leave a Reply

Your email address will not be published.


*