KAHDOHNAK VOI 2 A CHUAH HNU HAKHA KHUAPI TUZANLEI SINING

Chinram khualipi Hakha ah voihnih kahdohnak a chuah hnu i, tuni hmanthlak in an vun langhter mi a si. Kahdohnak Voi 2 a Chuah Hnu Hakha Khuapi Nihin Zaanlei Sining. September 5 le 7 zaan ah Hakha khuapi chung ah kahdohnak voi 2 a chuak cang. A tanglei hmanthlak hi nihin (Sep. 8 ) zaanlei sml. 4:00 hrawng Hakha khuapi sining a si. TCJ

May be an image of sky, road and street

Nizaan Hakha Kahdohnak ah Bomb le Meithal Kuan nih Inn Cheukhat an Khen. Nizaan zaan sml. 9:30 hrawng in aa thawkmi Hakha khuachung kahdohnak ah SAC ralhrang kahmi mortar bomb nih Nazareth sang inn pakhat cung ah a tlak pin ah meithal kuan pawl nih inn tam nawn an khen hna. Calvary Baptist Church pawng ah a ummi Pu Phu Kung zong a baan ah meithal kuan nih a khen i hliam a pu. TCJ

May be an image of road, cloud and street

Thawngpang dang: NUG nih D-Day a thanh mi kong ah tlangcung hriamtlai hna hmurka. NUG nih September 7 zinglei sang i Myanmar ramhuap D-Day a thanh mi kong ah tlangcung hriamtlai phu hna an dirhmun kong VOA nih biaruahnak a tuahmi hna a tawinak in kan vun leh. Colonel Naw Bu (KIO): Kan nih KIO Central Committee nih cun NUG nih D-Day a thanh mi kong ah ruah ning, cuanh ning le biakhiahnak pawl kan tuah rih lo.Central Committee lei nawl peknak a um rih lo ca ah zeihmanh kan tuah rih lonak hi a si,” tiah a chim.

May be an image of road and cloud

Major Ta Aik Kyaw (TNLA): Cunglei nawl peknak a tlak rih lo ca ah kanmah lei zong zeihmanh timhlamhnak le biakhiahnak tuah mi kan ngei rih lo,”. Cun, NUG nih a thanh mi kong ah, Meeting i auh ding le i caihkhan ding ngeih ding le ngeih lo ding kong ah TNLA telh in AA, MNDAA hriamtlai phu phir 3 hna zong biakhiahnak an ngei rih lo.MNDAA nih cun, Cathanh le biakhiahnak an tuah rih lo nain mizapi lei ah dir an i timhnak kong an phuan. NCA kahdohnak ngolnak minsen a thu mi tlangcung hriamtlai phu 10 hna remdaihnak lei ah hruaitu PPST zong nih Online in meeting an thu nain NUG thanh mi kong ah caihkhan mi an ngeih lonak kong an chim.

May be an image of sky, road and street

NUG cathanh kong ah PPST lei nih tuchun September 8 hi biakhiahnak an tuah kho men.Cun KIO hriamtlai phu lei in Colonel Naw Bu nih, “NUG nih a thanh cang tik ah zeitik caan poh ah kahdohnak a chuak khomi a si. Cu a si ca ah mizapi zong nih mah le umnak hmun ah tling tein kan him khawhnak hna i ralring taktak kan hau ko, tiah a chimchap. NCA minsen a thumi hriamtlai phu 10 remdaihnak hruaitu PPST nih, NUG he i fonh ding le fonh lo ding kong ah mah le hriamtlai phu in biakhiahnak tuah ding in nawl a serpiak hna,” ti hmuh a si. Credit: THP

Be the first to comment

Leave a Reply

Your email address will not be published.


*