KA SI KHO TILO EE, KA CHUNGKHAR HNA KHA RAK KA CHIMH PIAK HNA ULAW

Ka si kho ti lo ka chungkhar hna kha rak ka chimh piak u law rak ka don hna seh. 2015 kum ah Kachin ram ah Mission ka kal lio a mah he kan nih ton. A sinah Bawipa bia zong ka rak chim. A um nak ah caan sau ka um cu lio cu bin a ei tuk lo rian ka tuan khawhnak hnga a Caan lawng ka ei a ka ti. A nih hi Hakha ah ( a hlan Car gate pawng) a um mi asi i a min cu Pa Ceu ti lawng ka theih.

A tu a umnak cu Taba maw, Ta naing peng, Kachin ramkulh (ကချင်ပြည်နယ် တနိုင်းမြို့နယ် တဘာ ရွှေမှော်) ah a si. Atu cu a mah le a mah a tei kho ti lo caah ka si kho ti lo ka chungkhar hna nih a kan don lo ahcun ka si kho ti lo tiah bia a ka cak. A mah nak in a zual deuh mi tampi zong chungkhar hna nih an don i an nunnak khamh mi tampi an um ko.

2015 lio ah ka unau pawl Malaysia a um mi zong an um US maw Australia zong an Phan kho cang tiah a ka chim bal. Cu asi caah Pa Ceu chungkhar hna nih hi thawng an theih i an don khawhnak hnga Nan si khawh chung in rak share piak u. Na share mi nih Pa Ceu nunnak a khamh khawh. Pa Ceu a himnak caah le a damnak caah thlacam in bawm cio hna u sih. Uk Ling Thang. Credit: Uk Ling Thang

May be an image of 1 person

Thawngpang dang: Chinram chung thawngpang alengmi kongah CDF nih cathanh an chuah. Tulio ah Chinram chungah ralhrang kawlralkap doh dingah nunnak pek in hriam atlaimi CDF le CNDF, ZFU an si. Atutan ah thawngpang a leng tthan mi cu Chinram chungah PDF kan dirh ve lai timi thawngpang asi. Hi konghe pehtlaiin CDF nih thanhnak an tuahmi a tanglei bantukin a si.

Ralhrang kawlralkap uknak lakmi doh ding le Federal Democracy uknak kan hmuh khawhnak dingah ramchung mipi kilvengtu PDF bantukin CDF cu a liamcia April 4 ah dirh a si i, NUG cozah ralhrang kawlralkap a dohmi phu hna bawmh dingah a si. Chinram chung lawngah siloin kawlram chung hmun tthenkhat zongah miphun le umnak min telh in mipi dirkamh kilvengtu bu dirh cio a si.

Hi bantuk dirhmun ah NUG nih a dirhmi PDF min pu lomi cu hriamnam pek an si lai lo tiah 2020 rampi thimnak ah teinak a hmumi party palai tthenkhat nih an nawlngaihnak langhter duh Chin mino tthenkhat an rak lemsoi hna. Cubantuk thil kan theih tikah kan lung attha lo ngai i, cubantuk party palai bu cu fakpi in kan dohkalh peng hna lai tihi kan in theihter hna.

CDF cu ralhrang kawlralkap uknak a dongh khawhnak dingah dirhmi a si i, zeibantuk party ca hmanh ah ral atumi kan si lo. NUG cozah nih thanhnak atuah bangin raltu dingmi kan si i, teinak kan hmuh hnu ahcun kan Bu CDF zong a dong ve lai. Curuangah CDM atuahmi siseh CDF ralkap si hna seh bu dang zong NUG cozah nih raltuk ni caan aphuan ding hi hngakcio dingah cah kan duh hna.

Chin miphun lakah tthencheunak a chuahter ding phun in cawlcanghnak tuah lo dingin zaangfah kan nawl fawn hna. CDF cu NUG, CNF le PDF le a dangdang bu hna he ral a tu dingmi kan si. Chinram chungah CDF nih a ttuanpi hawi CNDF le ZFU telh loin CDF umcia nak hmun ah PDF dirh in Chin miphun cungah tthencheunak a chuahtertu hoih in le nawlngaihnak duh ruangah cawlcanghnak tuah lo dingin theihter kan duh tiah an thanh.

Be the first to comment

Leave a Reply

Your email address will not be published.


*