HAKHA SAC ZUNG RIANTUAN TAMPI AN ZAW HNA

Hakha SAC Zung Rianttuan Tampi COVID-19 in an Zaw. Chin ramkulh SAC zung ah rian a ttuanmi minung tampi COVID-19 in an zaw, tiah thawng kan theih. Zung rianttuan nu pakhat nih, “Zung ah cun a zawmi an tam ngaingai. Zawfah le rimrua theih loin a ummi an karh. Nizaan ah minung pakhat zong a thi cang. Atu ah director pakhat telh i mi tam nawn sizung ah oxygen he a um ko,” tiah Mizzima ah a chim.

Zawtnak a ngeimi pawl hi Chin ramkulh cozah zung cungdot ah SAC upa pawl he naihniam in rian a ttuan deuhmi pawl an si hna. July thlathih lei ah Chin ramkulh SAC nih zung rianttuan pawl COVID-19 runvennak sichunhnak an tuah ko nain zung rianttuantu chung in mizaw ruah lo piin an hun karh hi a si. Credit:The Chin Journal

May be an image of 5 people, people standing and people sitting

Thawngpang dang: Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak konghe pehtlaih in ramdang palai hna kan auh hna lai i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.

Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo. Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.

Ralhrangbu nih kan hnu cozah lutlai hna hremnak kan pek mi hna hi ramkhel kong a si lo, phung an buar ruangah kan hremmi hna a si. Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim. TCP

Be the first to comment

Leave a Reply

Your email address will not be published.


*