HAKHA IN MENG 6 A HLATNAK NIPI KHUAMI AN ZAM DIH

Nipi Khuami an Zapi in an Zaam. Nihin March 18 chunhnu ah Hakha he meng 6 a hlatnak, Gangaw lam cung Nipi khua ah SAC ralhrang an phak ca ah an khua ning in an zaam dih, tiah thawng kan theih.Khuami pakhat nih, Nihin chunhnu sml. 2:00 hrawng khan ralkap an rak phan i kan khua ning in kan zaam dih.

Kan naule he zong i kahnak a chuak. Atu hi khuami cu bu thum hrawng in kan i tthen hna i kan zaam hna. Kan zapi minung 100 leng cu kan si lai,” tiah a chim. Nipi khua ah SAC ralhrang pawl an um rih caah khua ah an tlung kho rih hna lo. Credit: The Chin Journal.

Thawngpang dang. aNational League for Democracy (NLD) party hruaitu le Myanmar ram ruahnak petu Aung San Suu Kyi tel in NLD party chungtel minung 832 cu SAC nih an tlaih hna i, cu chung in minung 645 cu atu tiang an thlah rih hna lo, tiah NLD party nih an thanh. Tlaih a tong mi hna chung ah Myanmar President U Win Myint le Mandalay ramṭhen chief Minister Dr. Zaw Myint zong an i tel, tiah an cathanh ah an langhter.

Tlaih a tong mi hna hi SAC ralkap nih uknak an laak hnu February 1, 2021 – March 14, 2022 chung ah SAC nih an tlaih mi hna an si i, cu chung in minung 171 an thlah cang hna nain 645 an hren rih ko, hna tiah theih a si. SAC nih an tlaih mi hna ah Member of Parliament(MP) 107 an i tel, MP 14 cu an thlah cang hna nain MP 92 cu an hren rih hna tiah NLD lei nih an chim.

SAC ralkap nih an hrem hnanak ah le thonginn chung i an zohkhenh hna ning a chiatkhat tuk ruangah MP pakhat le midang 15 an nunnak a liam, tiah NLD party lei an cathanh ah an langhter chih. Uknak laak a si thok in Yangon khuapi Central zung le ramṭhen, ramkulh, pengkomh, peng le khuate party zung hna cu voi 98 tiang luhhnawh in doh an tong i bomb puahhnawh, zung cheukhat cu meikhangh hnawh zong an tong, tiah NLD nih an thanh. Credit: The Chin Post.

Be the first to comment

Leave a Reply

Your email address will not be published.


*