HAKHA AH TLAIHMI PAWL KALAY THONGINN LEI AH AN KUAT HNA

Thawngpang Thar: Hakha CDM a lutmi le tlaihmi pawl hna cu 06.23.2021 zingka 5:00am ah ralhrang kawl ralkap motor 3 le Police motor 1 nih Hakha in Kalamyo thonginn lei an kuat hna tiah thawngpang kan theih. Anmah an tlaihmi hna chungkhar sin in thawng kan theih. Kalaymyo CDF , Falam CDF pawl nih lampi ah rak bawh ulaw rak kham hna sehlaw a tha tuk lai. Kalamyo CDF pawl kan In bochan ko hna hi. Kalamyo thonginn an phakpi hlanah. J.TZT

Hakha Sizung Ah Ralkap Hmunhma An La -

Thawngpang dang: Vawlei pi theih in Christine Schraner Burgen nih kawlram kong a phuan tthan cang. Kawlram ah UN nih palai a chiahmi Christine nih a chimmi cu kawlram chuahtaak in Thailand le india ah a zaammi hna hi minung thonghra renglo an si cang. Kawlram mipi hna cu an dirhmun ttihnung ngaingai a si. Ruahchannak ngei lo le thinphang thlalau in an um lio asi tiah UN ah a chim.

Ralhrang khuakhan lairelnak duh lomi hna cungah ralhrang kawlralkap cawlcangh mi cungah ramdang hna nih rian an ttuan duh lo caah civil hna nih defense force an dirh. An mah nih an serchommi hriamnam hmangin tlangcung hriamtlai hna sin ah training an tuah tiah a chim chih. Tukdohnak a chuah lonak hmun tiangin buainak a chuak cuahmah cang tiah apeh chih.

Ramchung hmunkik kaakip, a hlei in Tuluk le India, Thailand ramri pawngah tukdohnak a chuah lengmang caah minung tampi hna cu himnak hmun kawl in an zaam cang hna. Kawlram chung buainak zohtikah ramchung tukdohnak civil war fak piin a chuak sual lai tihi thinphang ngaingai asi ko. Kawlram mipi hna cu harsatnak phunkip an tong cuahmah. Cucaah bawmhchanh dingin rianttuan aharh hringhran ko tiah UN ah a chim.

RelchihThawngpang dang:Zei ruang ah dah minthang Phyu Phyu Htwe company 20 reng lo an bar i a mah he riantuan ti lo ding in an thanh. Myanmar lemcang model ah a min a thang ngaimi cu lemcang Phyu Phyu Htwe si a si. A min a thang i a lar taktak mi a si. Myanmar minthang hna lak ah phaisa a ngah tambik pawl le bawmtu a ngei tampi bik pawl a si ve. A si nain lemcang Phyu Phyu Htwe cu June 22, 2021 ah company 20 reng lo nih a mah he riantuan ti lo ding, pehtlaihnak ngei ti lo ding in thanhnak an tuah.

Phyuphyu he riantuan ti ding in biakamnak an rak tuah cangmi vialte zong kha an phih dih than cang. Mahhi kong ah Phyu Phyu Htwe nih zapi theih ding in lehnak zeihmanh a tuah rih lo. A lung a rethei ngai ve ko tiah theiha si. Lungrethei le lungrawk ngai in a um ve. Lemcang Phyu Phyu Htwe hi ralkap nih uknak an lak hnu ah khan Yangon khuapi le a dang khuapi hna ah lamzawh tu mipi hna caah bawmhnak tampi a rak petu a si.

Tirawl zong a rak pek hna. Ralkap nih uknak an lak hnu ah sifak harsa tampi zong bawmhnak a rak pek hna. Kawlram lemcang le hlasak thiam minthang tampi dothlennak ah i tel ding in forhfial an si tikah Phyuphyu zong a si khawh tawk in ai tel i a mah zong lamzawh ah ai tel vemi a si. A kut zung thum a thlir lio zong hmanthlak ah ai tarmi a si. Kan hnu ah khan Kawl ralkap nih an khangh mi Pagwe ramthen Kinma khua ah Phyuphyu cu a va kal i bawmhnak a pek hna.

Bawmhnak a pek hna lio video a thlak cu a Facebook ah a post. Kinma khua ahhin minung tampi an kal i bawmhnak an pek cio ko ti a si. Sinain a ho hmanh nih social media ah hmanthlak video an la lo ti a si. Sinain Phyuphyu cu bawmhnak a pek lio video le hmanthlak in a langhter caah cu hnu ahcun Kawl ralkap nih Kinma khua lei ah bawmhnak pe khi ti lo ding an tuah hna tiah thawng theih a si.

Mah cu ruang ah minung tampi cu Phyuphyu ruang ah an thin a hung i cawlngai company pawl kha Phyuphyu he riantuan ti lo ding in mipi lei nih an ti tuk hna ruang ah company 20 leng nih Phyuphyu he riantuan ti lo ding in ca an chuah nak hi a si tiah theih a si. Phyuphyu hi dalan a si lo tiah minung tampi nih an tanh ve. Mipi he i bawm in bawmhnak a petu a si caah a riantuannak poh cu mipi theih ding le hmuh ding ah video in a post awk a si ve ko tiah minung tampi nihcun an tanh ve.

Be the first to comment

Leave a Reply

Your email address will not be published.


*