KHUATHAR AH RALKAP LE PALEK NIH MINUNG 2 AN TLEIH HNA, INN PAKHAT ZONG AN KULH

Khuathar ah SAC Ralkap/Palik nih Minung 2 an Tlaih Hna, Inn Pakhat Zong an Kulh.Hakha Khuathar, CB Bank thlang ah SAC ralkap le palik nih zanlei sml. 4:00 hrawng ah minung 2 an thlaih hna, tiah tawng kan theih.CB Bank pawng motor lampi kam ah a ummi Lian Bik nu te inn zong ralkap le palik nih sml. 4:00 ah khan a kulh i innchung ah kawlhawlnak an tuah.

Khuathar mi pakhat nih, “An tlaihmi hna hi minung 2 an si. A dang pakhat hi cu an rak tlaih ciami a si i, mi kawlnak ah an rak i ratpimi si dawh a si,” tiah a chim. Khuathar upa pakhat nih, “Paletwa lei mi minung 2 tlaih an tong. An min tu cu kan thei ve hna lo,” tiah a chim. Credit:The Chin Journal

Fundraiser for Sui Chin by Hakha-US Pulrai Committee : Hakha Covid-19  Relief Fund

Relchih:Ralkap kuttang ah rianttuan aa timmi a nupi cu a vapa nih amak diam. Mah bantuk thawngpang hi tulio kawlralkap ralhrang nih hramhram in uknak an lak hnu in tutiang ah theih awk an langhtermi a um rih lo. Tutan hi a voikhat nak bik nu le va an i tthen a si ko rua. Hi konghe pehtlaiin thil sining cu a tang lei bantuk in an langhter.

U Aung Ko Myint nih a dawtmi a nupi cu ralhrang kawlralkap kut tangah rianttuan aa timh ruangah a nupi sinak in a mak. Hi thil a cannak hmun hi Sagaing ram tthen, Kalaywah peng, Se Gyi Uksuhkin khua ah a si. A tu bantuk in U Aung Ko Myint nih a nupi a tthennak a ruang cu ralhrang kawlralkap kuttang ah sianginn kai aa timh caah asi.

Nai ah ralhrang kawlralkap hna nih sianginn kai dingin thanhnak an tuah. Cu ralhrang kawlralkap hna nih thanhnak an tuahmi zulh in U Aung Ko Myint a nupi Daw Theint Theint Myo cu sianginn kai dingin timhtuahnak angei. Asinain a vapa U Aung Ko Myint nih kai hlah tiah a nupi cu ralhrang kawlralkap kuttang ah rianttuan dingin a duh lo. Sihmanhseh law a nupi nih aduh lo tikah tthennak tiang achuah hi a si.

Sayamah Daw Theint Theint Myo a vapa nih a dawtmi a nupi ralhrang kawlralkap kuttang ah rianttuan aa tim pengmi cu fiang hlang tein tthennak a tuah. A nupi thingkuang le a nupi thilri chiahnak ttawng ahcun ca pakhat a ttial. U Aung Ko Myint nih attialmi cu rampi leirawitu he kan um tti kho lo, ralhrang cozah dirpitu Sayamah Theint Theint Myo tiah ca banh i lengah a chuah diam.

Be the first to comment

Leave a Reply

Your email address will not be published.


*