GOOD NEWS. CNA LE CDF PALETWAH NIH THAWNGFIANG ANTHANH CANG

Lung Ahmui Bak. CNA le CDF Paletwah nih Ralhrang kawlralkap minung paruk an thah pin hna ah ralhrang kawlralkap tamtuk hliam an tuar. Hi konghe pehtlaiin thanhnak an tuah mi cu atanglei bantukin a si. Chinram kulh Paletwa peng Sami luhnak gate ah CNA le CDF Paletwa fonh le Ralhrang kawlralkap hna cu nizan April nithum zanlei suimilam pariat le cheu ah kahdohnak a chuak tiah CDF Paletwah nih mipi sin ah thawngthanhnak an tuah.

I kahdohnak ah hin hriamnam ngan he hriamnam fa he an hman i suimilam cheu chung an i kap. I kahdohnak ah ralhrang kawlralkap lei in minung paruk an nunnak a liam pin ah ralhrang kawlralkap lei in minung tamtuk hliam an tuar tiah an langhter chih. Hi i kahnak ah CNA le CDF Paletwah lei in hliamtuar le a nunnak aliammi an um lo tiah thanhnak an tuah.

Relchih. Chin ram ah buainak lianpi a chuak. CDF cu a tlang le a peng in an dir cio caah pengkhat le pengkhat an i kap. A kap rih lo mi zong an bia in an i dong cang. An kalpi mi he an i do cang. Hmailei ah cun an i kap thiamthiam lai. Ka hnu zarh ah Mara cung ah Mara ralkap kan si a ti veve mi MDF le CDF-Mara an i kap.Tulio zong ah Zophei ram chung ah rem lo nak a chuak ngaingai. Fake account in an tialmi a si nain upa lungfim nih an tialmi a si tiah a fiangmi cu an laica hmaning, thil an thei ning le a dang tete a tampi.

Cu caah fake account in cattialtu hi ngakchia an si lo ti a fiang. Cu caah Zophei ram chung buainak hi a deuh a si lo i a lengtu ah a chuak rih lo bia a si ti a fiang. A rauh hlan ah bia tampi a chuak te lai.CDF cu a tlang le a peng kn dirh ciomi a si tik ah ramri an i cuh te lak. Cucaah tih a nung tuk te lai. Cucaah hruaitu ttha le lungfim, miphun huam in hruatu ttha kan ngei hlan cu kawl ralkap nih kan uk ko hna seh. Laimi cu fim a cuhmi,hruaitu a cuhmi miphun kan si. Cu vialte cu ram kan dawt ruang si lo in tangka eihmur kan duh caah a si deuh.

 

Be the first to comment

Leave a Reply

Your email address will not be published.


*