GOOD NEWS: AUSTRALIA UMMI CHIMCIO HNA USIH THAWNGTTHA TAKTAK A CHUAK

Australia Citizenship Kong Ah Thawng Tha Tak Tak Asi. Citizenship Asok Mi Poh Min Cazin Rak Pe Cio Hna Uh Sih. Chin Miphun a kan dawtu le a kan bawmchan tu Senator Dean Smith nih Australia Citizenship soknak kong ah Australia cozah nawlngeitu hna sin ah akan chimh piak mi cu cozah lei nawl ngeitu hna nih rian tuan hram an ni thawk cang.

Department of Home Affairs he Citizenship kong he peh tlai in voi thum tiang tonbia ruahnak kan ngei cang. UNHCR card arak ngei bal mi cu consent form nan tuah lai i, Australia cozah nih UNHCR ah pehtlaih nak kan tuah lai tiah Department of Home Affairs nih Public Information Session ah an chim cang.

Department of Home Affairs nih Chin miphun dihlak Citizenship asok mi min cazin le ID ngeih lo ruang ah Citizenship a sok lo mi min cazin an kan hal caah kanmah le kan community upa hna sin ah min cazin nan rak pek cio nak lai thawng kan nin thanh hna.Kan pek mi min cazin vial te cu Senator Dean Smith nih Australia Cozah nawlngeitu hna sin ah pehzulh tein chim piak ding zong asi.Australia Cozah nawlngeitu hna nih Perth Khua ah cun Citizenship sok nak kong ah interview auh mi le phone in chawnh mi an um pah len cang. Credit: Renny Ceu L Mang

May be an image of text that says "AUSTRALIA COMMONWEALTH OF AUSTRALIA Australian C├╝tizenship Ac─▒ 2007 Australian Citizenship"

Thawngpang dang: CDM a tuahmi sibawi thiamsang thongchung ah a nunnak aliam. Ralhrang kawlralkap uknak lakmi dohkalh in CDM a tuahmi siibawi thiamsang Maung Maung Nyein Tun cu ralhrang kawlralkap hna nih CRPH le NUG na dirpi hna tiah sual an phawt i, thong ah an thlak. Thonginn ah covid zawtnak nih a phak i, zualhma ngai in a um. Zualhma tuk le a dirhmun a tthat lo caah sizung ah an kal i, tuni ah a nunnak a liam tiah thanhnak an tuah.

Hi konghe pehtlaiin chungkhar pakhat nih a chimmi cu Siibawi hi thonginn chungah covid zawtnak nih aphak i, thatein zohkhanh le thlopbul a si lo. A zualhma tuk caah thonginn in sizung an kalpi. A si ning taktak ahcun a hlan ken in sizung ah an kalpi ding asi. Sizung an kalpi caan a tlaituk cang tikah a zualhmatuk hringhran cang. Cucaah ralhrang kawlralkap hna nih thi dingin an timhtuahmi hrimhrim a si i, anmah ralhrang kawlralkap hna nih an thah mi a si ko tiah ka ruah. Hi bantuk in mifim thiamsang hna an nunnak a liammi hi cu tuar a har tuk hringhran i, thinlung a faktuk tiah a chim. Ralhrang nih CDM atuahmi an tlaihmi hna hi thongchung ah minung tamngai an thi cang tiah an chim.

Be the first to comment

Leave a Reply

Your email address will not be published.


*