FALAM AH COVID ZAWTNAK IN MINUNG PAKHAT A THI TTHAN

Falam ah COVID-19 zawtnak in minung pakhat a thi than, atulio Falam ah zawtnak ngei minung 74 thlopbul lio an si. Nihin June 21 ah Falam sii-inn ah COVID-19 zawtnak ngei thlopbul lio mi Pi Lun Khaw Kiang (kum 76), Hau Do Mang nu cu a thi i Volunteer pawl nih Canmari thlanmual ah an vuai cang tiah kan theih. Nihin ah minung 20 zawtnak chek an si i cu chung ah minung 15 sin in zawtnak hmuh a si than. Atulio Falam Sii-inn ah COVID-19 zawtnak ngei thlopbul lio mi minung 74 an um tiah kan theih. THT

May be an image of outdoors

Thawngpang Dang:Ralhrang kawlralkap pawl khuachung ah an rak luh tthan ruangah Khuami hna cu an zaam hna tiah an langhter. June thla ni 21 zinglei ah Sagaing region Yinmapin peng Banh Bwe khua chungah ralhrang kawlralkap thaazaang tampi cu an rak luh hna caah khuami hna cu a himnak hmun panh in ram tang ah an zam. Hibantuk in khuami pawl ram tang ah an zam hi a voi hnih nak asi cang tiah theih asi.

Zinglei nazi 11 hrawng ah ralhrang kawl ralkap pawl cu mawtaw a ngan mi 4 in minung 80 hrawng an vun I cit I khua chung ah an rak lut tiah thawng kan theih. Thawngpang kan theih in ramtang ah kan zam dih hna tiah khuami pakhat nih Mizzima ah a chim. Banh Bwe khua ah hriamnam pawl an chiah hna tiah ralkap lei nih thawng an theih caah hi tiin ralkap thazang tampi he an rak luh nak hi asi.

June thla a zarh hnih nak ah Banh Bwe khua he meng khat a hlat nak Si Laung khua ah ralkap le PDF pawl an rak I kah lio zong ah ralkap pawl cu Banh Bwe khua chung ah an rak lut bal. Cu an rat lio ahcun kum 20 a simi Ma Mar Kyi cu a ttang ah ralkap nih meithal in an rak kah caah a rak thi. Si Laung khau ah ralkap le PDF an rak i kahnak ah PDF lei in minung 2 an rak thi tiah theih asi.

Thawngpang dang: Khuami nih an thinphannak kong Ralttha taktak in khuami nih an chim cang. Kawlralkap hna nih khuachung i, biakinn siseh Sizung le cozah zung pawl ah um hmun khuar in hmunhma an lak mi cu kan duh bak lo tiah Doh Phung Yan khuami hna nih an langhter. June thla ni 20 zinglei thok in ralhrang kawlralkap hna nih an thazang minung 200 leng cu Doh Phung Yan khua chung ah an luhter hna.

Khua chung ah ralhrang kawlralkap hna cu phungki cawng, siizung le sipin zung hna ah hmunhma an lak caah hmailei I a cang ding mi buainak pawl kong he pehtlai in kan lungre a thei tuk tiah khuami pakhat nih KNG media ah a chim. Khua chung I hmun 6 hrawng ah ralhrang kawl ralkap lei nih hmunhma an lak caah mipi lei nih kan thin a phang.

Zei khuaruahnak he dah an rat cu kan thei lo. Khua chung ah an duh ning in check hlai nak le thih pheih nak a um sual lai ti kan phang. Siizung le phungki cawng chung hmanh ah ralkap 100 leng an um tiah cu khuami nih cun a chim chap. Cu tiin khuachung ah hmunhma a la mi ralhrang kawlralkap hna cu brigade 88 an si tiah khuami hna sin in theih asi.

Thawngpang Dang: Kawlralkap cozah cungah dantatnak tuah ti bantuk hi a harh in kan thei lo tiah India nih a chim. Hi konghe pehtlaiin India ramdang palai pakhat a simi Sanjay Verma nih a chimmi cu kawlram buainak ah daihnak a um khawhnak dingah ralkap cozah zong kan chawnh hna. Cun ralkap cozah a dohkalhtu cozah zong kan chawnh rih hna. Ralkap zong buainak ruangah tlaihmi vialte thlah dih dingin kan ti hna.

Kawlram buainak ruangah pakhat le pakhat remnak a um khawhnak dingah hin kan i zuam ko. Hremnak or dantatnak tibantuk pek hi a herh in kan thei lo tiah a chim. Tutan UN nih kawlralkap cozah sin ah hriamnam zuar lo dingin hnathlaknak an tuah. Hi meeting ah India cu khoika lei hmanh ah vote an thla lo. Aruang cu rianrang in biachahnak tuah le dantatnak pek hi a herh an ti lo caah a si.

India hi kawlram buainak ruangah an sining theih khawh an si lo. Acaan ah NUG cozah a dirpi mi an lo i, a caan ah ralhrang kawlralkap cozah a dirpi mi kho khi an lo fawn. Tutan zongah Ralhrang kawlralkap cozah le ralhrang kawlralkap a dohkalhtu NUG cozah lei zong kan chawnh hna an ti hoi. Khoika lei ah dah india hi a dir timi theih asi lo.

Be the first to comment

Leave a Reply

Your email address will not be published.


*