FAK TUK IN RALHRANG KAWLRALKAP LE CDF AN I KAP, CAW TIANGIN AN THAH

Mindat le Kanpalet Kar Ah Ralhrang le CDF -Mindat Fakngai In Kahnak A Chuak Nizaan July 27 zinglei ah Mindat peng Shwe Awng Tha le Shwe Dwintoe khua kar ah ralhrang rallokap phu hna nih khuami pakhat a caw cu thah piak in an ei. Mindat khuachung Mindat-Matupi meng 5/6 hrawng ah a um kal mi,mipi hna cu ralhrang rallokap phu hna nih meithal tinh in phone le phaisa cu an chuh hna tiah theih a si.

Chunhnu suimilam 11 hrawng ah Mindat nitlak lei, Mindat-Kanpalet ramri ah kaphnih kar fakngai in kahdohnak a chuak, hliamtuar le nunnak liam mi kong ah fiangtein theih a si rih lo. Mindat khua in ralzaam dirhmun in a ummi,mipi tamdeuh an i thialnak hmun Magway ramthen chung ralzaam umnak sakhan ah Covid-19 zawtnak ruang ah mitam hi positive an si lai ding phan a um.

Mindat-Matupi lam kahdohnak ah CDF in nunnak a liam mi mipi ralkap pakhat ruak cu nizaan ah an hmuh i Matupi -CDF nih an Facebook ah ngaihchiatnak ca an langhter. Mindat khua mi mibawmchantu phu hna nih an langhter mi ah Mindat khua ah Covid-19 zawtnak ngei mi, minung 6 an i chap i, positive dihlak hi minung 21 an si, a dam than cang mi hi minung 5 an si. TCP

Thawngpang dang: Ralhrang kawlralkap hna nih PDF an tlaihmi minung 12 hna cu an thah dih hna. Hi konghe pehtlaiin Kani PDF hruaitu lutlai nih a chimmi cu kahdohnak afak ngaingai. Kan kal cuahmah lioah ralhrang kawlralkap nih RPG bomb in aa kan kah i, bomb hi voi sarih voi riat hrawng an puah. Cubantuk in thil asi tikah kan himnak dingah kan zaam hna.

Tthenkhat cu an zaam manh hna lo i, an tlaih hna. Ahnu ah kahdohnak hmun kan va zoh tikah cun khur pakhat chungah ruak pathum tibantukin an rak phum hna. Tthenkhat cu meithal kahnak hma a um i, tthenkhat cu an tlaih hnu ah meithal in an Lu ah an kahmi hna an tam. Tthenkhat cu a nung an tlaih hna i, an vuak thah hna. An tlaih mi vialte hna cu an thah dih hna.

Minung pakua ruak an phum hna i, minung pathum tu cu an thahnak hmun lila ah an chiahta hna. Ralhrang kawlralkap hna nih an tlaih hnu ah an thahmi hna hi minung 12 an si tiah a chim. Kani PDF le ralhrang kawlralkap hna July 26 ah khan an i kap. Hi i kahnak ah Kani PDF lei hi an ralrin lo lio caan a si i, ruahlopi in RPG bomb in an kah hna caah a tubantukin a zam manh lomi an tlaih hnu ah an thahmi hna hi an si.

Be the first to comment

Leave a Reply

Your email address will not be published.


*