CNF AN I TIMHLAMH MI A TLAMTLING PAH CANG TINAK A SI

Catialtu Zasang Cinzah: CNF nih NUG he riantuanti dingin public ah an von thanhmi ka hmuh tikah CNF lei kan pale an itimhlamhmi a tlam a tling pah cang tinak a si. A tha ngai. Mipi lei zong, Khuate, khuapi ah khuasa vialte, kum khat chung Ei-din ikhawn, nan ilim cio lai tiah zumhnak ka ngei. Laimi cu Kum khat Ei in timhlamhnak a ngei pengmi kan si ko caah hna a ngam ngai.

Semnak Lairam: Victoria Camp le Masada Camp

A karlak ah a daithlangmi hna nan um sual ahcun rak itimhlamh cio ko u. Kan ram cu buainak nih a khuh chin lengmang cang caah, Kum khat Ei in Zei paoh izalh cia cio ding a si. Fur a tla lai. Lam a pit lai. Lairam ah Ei-din supply pawl a phan kho ti lai lo.Covid a chuah ka lio ah eidin nan izalh cia bantuk khan tampi in rak ikhawn ko u! Timhlamhnak ttha ngeih hi a sung a si bal lo. Credit: Zasang Cinzah.

Semnak Lairam: Victoria Camp le Masada Camp

Thawngpang Dang Relchih: Aung San Suu Kyi umnak an thei ti lo, NUG zong a lungrethei ngai cang. NUG nih thanhnak an tuahmi cu Aung San Suu Kyi umnak kan thei ti lo, a cungah pakhat khat a tlung sual lai ti kan phang ngaingai tiah June nikhat ah thanhnak an tuah. Thanhnak an tuah mi ahcun May ni 24 ah Aung San Suu Kyi le U Win Myint cun Dr Myo Aung hna cu Napyidaw council hmun pakhat ah ralkap lei nih an caah biaceihnak hmun an tuah piak hna i, cu ahcun an mah muilangh in an um.

Mah an i langh hnu ah an umnak hmun an tthial hna i hmudang ah an chiah tthan tiah rinh a tlak mi sin in thawng kan theih tiah NUG cozah nih a chim. Ralhrang hna nih an chiahnak hmun adang tein an tuah ti theih sihmanhsehlaw ralkap lei nih cun thlali a liam hnu tiang zongah zeihmanh an chim duh lo. May ni 24 i bia an ceihlio zongah Suu Kyi a umnak hmun atheih lonak a chim.

Asinain ralhrang kawlralkap nih court an tuah chommi hmun ah an um lio hmanthlak an langhter. Kha lio kha a voikhat nak ralhrang hna nih an tleih hnu ah an muisam le an hmanthlak an langhter a si. Cu hmanh cu court ah a chuah caah a si i, thinlung a nuam lo tuk hringhran tiah Social media ah an tial hna. Asining ahcun Suu Kyi hi adam ko timi rammi pi hmuh ah langhter an duh caah a si.

Be the first to comment

Leave a Reply

Your email address will not be published.


*