CHINMI KAN BUAI TAKTAK MI CU FIANG TEIN BIAFIANG AN LANGHTER CANG

Chinram ah NLD nih PDF Dirh an Timh Timi kong ah Chin NLD Upa Biahalnak. Chin ramkulh ah NLD palai pawl nih PDF dirh an timi tiah nai hrawng bia a lenmi kong he pehtlai in Chin ramkulh NLD upa pakhat a simi Pu Jacob Thang cu The Chin Journal nih biahalnak kan ngeih i atulio Chin NLD upa pawl an rianttuan ningcang konglam pawl tlamtling in a langhter.

Biahalnak: Chin NLD upa/palai pawl nih a dangte in PDF dirh an timh timi kongah Chin NLD nan dir hmun? Bialehnak: Chin NLD upa nih siseh, MP palai nih siseh PDF dirh ding ah timhlamhnak an ngei ballo. Ralkap uknak duh lo ruang ah humhimnak ttuanvo latu CDF rianttuannak cu Chin NLD upa si hna seh, MP palai pawl si hna seh cohlan le dir kamh a si.

Biahalnak: Chinram chung hriamtlai CNF/CDF he pehtlai in rian nan tuan ti kho maw? Bialehnak: Hluttaw palai nih CRPH a ser. CRPH nih NUCC a ser. NUCC nih NUG a ser. NUG le CNF cu ralkap pennak thlak ding le Federal Democracy pennak a chuah tiang hmun khat ah rianttuan tti ding in hnatlak minsen an thut cang. CNF cu NUG cozah he rian an ttuan tti bantuk in Chin Hluttaw he zong hmun khat ah rian an ttuan ti.

Committee Representing Chin State Hluttaw (CRCH) le CNF hruainak in Interim Chin National Consultative Council (ICNCC) ser a si. ICNCC in NUG ah palai (2) thlah a si i cu chung in Dr. Lian Hmung Sakhong zong Federal Union Minister rian pek a si. Cun NUG hruaimi Ministry of Defense (MoD) nih West Commend Implementing Committee (WCIC) ser ding a ti bantuk in Chin MP hruainak in WCIC ser a si. WCIC ttuanvo ngeitu le CDF hruaitu hna cu hmun khatte an rian an ttuan ti. Cu bantuk cun CNF zong CDF he hmunkhatte ah rian an ttuan tti.

Biahalnak: Atu lio ramkhel kong he peh tlai in Chin NLD pawl zei rian dah nan ttuan bikmi si? Bialehnak: A cunglei i ka langhter mi vialte khi Chin NLD nih a tuanmi rian a si. Chin Hluttaw palai chung ah a cawlcangmi hi Chin NLD lawngte an si. Atu lio tthithruainak CRCH, CRPH le NUG ah biatak te in thazaing chuah in rianttuan a si. CDF nih an herhmi hriamnam tlamtin nakding, IDPs bawmh chanhnak, tbk.,

Kan miphun ca ah a herhmi chimrelnak an ngeih hnu ah bawmhchannak hmuhmi cu a tawlreltu hna i ttuanvo an lak ko. Atu lio dohthlennak caan lio ah Chin NLD rian lawng a si lo kan miphun dihlak tuanvo a si. Biaknak in siseh, zatlang bu in siseh, party kip in siseh thazang kan chuah ding rian a si.

Biahalnak: Chim chap na duhmi…? Bialehnak: Atu lio ah Party in siseh, pumpak in siseh mah hlawknak hmuh ding ah rianttuan caan a si lo. Kan miphun ning in thazaang chuah i hmunkhatte ah riantuan tti caan a si. Fiangfai in theih lomi kong social media ah cattial ding a si lo. Ahnu ah mah le mah ningzah i thlaih a si. Bia na ka halmi cung ah ka lawm. Credit:The Chin Journal

May be an image of 1 person and outdoors

Thawngpang dang:Kawlram ah a laar ngaimi Telenor company cu M1 Group nih $105million in an cawk tiah thanhnak an tuah. M1 Group timi hi Lebanon hrambunh asi tiah an chim. Norway hrambunh Telenor Myanmar cu a liamcia kum 2013 thok in Kawlram ah um hmun an khuar i kum 2014 thok in phone line pek hram an thok in kum 15 chung tuah dingin hnatlaknak an tuah mi a si.

Sihmanhsehlaw a ni caan a tlin hlan ah Kawlram buainak ruangah harsatnak tampi an tong ruangah atubantukin an zuarnak hi a si tiah an chim. Telenor company hi midang sinah an zuarnak kong zong an thanh pin ah pehzulh tein M1 Group company kut chungin tuah asi lai tiah an langhter. Hi lio caan ah mipi lei nih a him hnga maw zumhtlak mi asi hnga maw timi an lunghring ti asi.

Aruang bik cu Ralhrang kawlralkap he buainak an ngeih ruangah Telenor Myanmar cu zuarmi asi ruangah siseh, a cawtu hna hi ralhrang kawlralkap hna he hnatlaknak an tuahmi pakhat tel a um hnga maw timi an lunghrinh ngai hna. Kawlram chungah Telenor a hmangtu hi minung 18.7million hrawng an si tiah an langhter. Telenor Myanmar company nih an zuarnak a ruang bik cu rampi buai ruangah asi ko tiah an langhter.

Be the first to comment

Leave a Reply

Your email address will not be published.


*