CHINMI CU PAKHATNAK BAK KAN SI KO HIH, KAN CUNGCUANG BAK

February 1 in ralhrang phu hna nih hramhram nawlngeihnak an lak hnu ah ralhrang uk duhlo cawlcanghnak CDM ah a tel mi cozah riantuan hna cu federal journal nih cazin an lak ning ah Chin ramkulh cozah riantuan tu hna dihlak minung 14,591 an si, ramkulh cio in CDM cawlcanghnak ah tambik a tel mi cu Chin ramkulh chung in an si tiah an langhter.

Chin ramkulh ah cozah riantu tu dihlak 20000 leng chung ah 14000 leng nih CDM cawlcanghnak ah an i tel caah zatuak in 72% leng a si. Chin ramkulh ah CDM lutmi hna chung in ngandamnak lei cozah riantuan tu an tam. Mindat ah cun atu tiang ah sizung zong thatein hon khawh a si rih lo. Thazaang a tling tuk, a ruang cu Chin chung ah hin sibawi tampi an i tel, cheukhat cu Director reng zong an i tel.

Cun zaanglek nak lei zong ah rampi min thatter tu hna zong an i tel. An umnak department cio in reng sang zong nih CDM cawlcanghnak ah an i tel hna. Cucu Chin ramkulh CDM cawlcangh nak ah teinak pakhat a si tiah CDM cawlcangh nak ah a tel mi cozah riantuan pakhat nih a chim. Ramkulh chungah Chin ramkulh in CDM cawlcanghnak tambik a tel kho mi an si.

Ralhrang kawlralkap phu hna nih rian sok ding in auhmi cozah cazin ning ah hmundang ramkulh le ramthen 14 chung ah riansok tu dihlak hi minung thong leng an si nain , Chin ramkulh chung ahcun riansok tu minung pakhat hmanh an um lo tiah theih a si. Biachap. A cunglei zoh tikah ramtthen 14 chung dirhmun vun zoh tikah Chinmi hi alung aa rualbik kan si ko timi alanghter. Asinain CDM atuah lomi hna kan caah cun ningzak ngaingai a si. TCP

Nihin Hakha Lamzawhnak ah Minung Thong... - The Chin Journal | Facebook

Thawngpang Dang: CDF-Mindat in Mino Pakhat a Nunnak a Liam. Nihin zinglei sml. 6:00 hrawng ah a cangmi CDF-Mindat le SAC ralhrang kahdohnak ah CDF-Mindat lei in kum 20 hrawng a simi mino pakhat a nunnak a liam.CDF-Mindat lei in hliam a pumi minung 2 zong an um. SAC ralhrang lei hliampu le mithi an um le um lo fiang in theih a si rih lo.September 3 tiang ah CDF-Mindat in minung 33 nih ram le miphun ca ah an nunnak an pek cang.The Chin Journal

Be the first to comment

Leave a Reply

Your email address will not be published.


*