CHIN PASALTTHA PAHNIH AN NUNNAK ALIAM TTHAN EE, RIP

Mindat-CDF in Mino 2 an Nunnak a Liam Than.July 23 le 24 ah a cangmi SAC ralhrang le Mindat-CDF karlak kahdohnak ah Mindat-CDF in mino pahnih nih ram le miphun ca ah an nunnak an pek tthan.July 23 kahdohnak ah mino pakhat a nunnak a liam i, nihin July 24 i kahnak a dang pakhat a liam tthan.July 22 ah a cangmi Shwe Aung Tha khua pawng kahdohnak zong ah Mindat-CDF in kum 20 hrawng a simi tlangval pakhat nih ram le miphun ca ah an nunnak a pek.

Nizaan le nihin ah a nunnak a liammi pahnih hi chungkhar nunhimnak ca ah min langhter an si lo.SAC ralhrang nih uknak an lak hnu, Mindat-CDF le SAC ralhrang karlak kahdohnak ah Mindat-CDF lei in minung 27 nih ram le miphun ca ah nunnak an pek cang.Mindat peng chung ah SAC ralhrang minung 200 leng an thi, tiah July thlathawh ah Mindat mipi uknak bu nih thawngpang an rak chuah.Nihin zinglei ah Mindat peng nithlanglei ah a ummi khuate pakhat i SAC palik sakhaan pakhat Mindat-CDF nih an lak, tiah kan theih.

Thilsining: Mindat-CDF nih SAC Palik Sakhaan an Lak, Ralhrang 20 Leng an Thi. Mindat-CDF nih Mindat peng chung khuate pakhat i SAC palik sakhaan pakhat cu nihin July 24 zinglei ah an lak khawh, tiah theih a si. Mah sakhaan ah hin SAC ralhrang minung 20 in 30 karlak an um. An thih dih maw si, an zaam dih dik a si. Sakhaan cu Mindat-CDF nih an lak cang, tiah khuami pakhat nih Khit Thit Media ah a chim.

CDF cungtel pakhat nih kahdohnak a ummi cu a fiangmi a si. Asinain, zeidah a cang timi thawngpang fiang in kan thei rih lo, tiah a chim ve. Mindat-CDF le SAC ralhrang karlak biaruahnak cu July 16 ah a rawk i, July 20 thawk in SAC ralhrang nih Mindat-CDF kahdohnak an thawk tthan.July 20 in 23 tiang ah Mindat-CDF lei in kum 20 tlangval pakhat a nunnak a liam i, SAC ralhrang lei in a tlawm bik minung 2 an thi ve.

Myanmar ramchung ramkulh pali (Kachin, Kaya, Kayin le Chin) ah SAC ralhrang nih atukar hrawng thazaang chapnak a tuah cuahmah caah i kahdohnak hi a fak chinchin kho, tiah Myanmar ramchung tlangcungmi hriamtlai upate nih an ruahdamh. Credit:The Chin Journal

Be the first to comment

Leave a Reply

Your email address will not be published.


*